ٷندٸستاندا كٷيەۋٸ جاس كەلٸنشەگٸن سٷيٸكتٸسٸنٸڭ پەتەرٸنە الداپ اپارىپ ٶلتٸردٸ دەگەن كٷدٸككە ٸلٸندٸ, دەپ حابارلايدى ult.kz.
ٷندٸستاننىڭ حاريانا شتاتىنداعى گۋرگاون قالاسىندا ادام شوشىرلىق قىلمىس ەشكەرەلەندٸ. پوليتسەيلەر نەبەرٸ ٷش اي بۇرىن شاڭىراق كٶتەرگەن 22 جاستاعى كەلٸنشەكتٸڭ ٶلٸمٸنە قاتىستى ونىڭ كٷيەۋٸ مەن كٷيەۋٸنٸڭ بۇرىننان بٸرگە سٶيلەسكەن ەيەلدٸ ۇستادى.
تەرگەۋ مەلٸمەتٸنشە, كٷدٸكتٸ 25 جاستاعى ەر ادام جۇبايىن الداپ, تانىس ەيەلدٸڭ پەتەرٸنە الىپ بارعان. سول جەردە كەلٸنشەككە وق اتىلىپ, كٶز جۇمعان. كەيٸن كٷدٸكتٸلەر قىلمىستى جاسىرۋ ٷشٸن مەيٸتتٸ پەتەردەگٸ جۋىناتىن بٶلمەگە قالدىرىپ, ەسٸكتٸ سىرتىنان قۇلىپتاپ كەتكەن.
مارقۇمنىڭ اناسى قىزىنىڭ جوعالىپ كەتكەنٸ تۋرالى پوليتسيياعا مامىر ايىندا حابارلاعان. ونىڭ ايتۋىنشا, كٷيەۋٸنٸڭ وتباسى جاس ەيەلدٸڭ قايدا ەكەنٸن ناقتى ايتپاي, پوليتسيياعا جٷگٸنبەۋگە كٶندٸرۋگە تىرىسقان. بٸراز ۋاقىتتان كەيٸن تەرتٸپ ساقشىلارى پەتەردٸ تەكسەرۋ بارىسىندا جۋىناتىن بٶلمەدەن ەيەلدٸڭ ىدىراي باستاعان مەيٸتٸن تاپقان.
تەرگەۋ بارىسىندا قىلمىستان كەيٸن كٷدٸكتٸلەردٸڭ نەپالعا قاشىپ كەتكەنٸ انىقتالدى. الايدا ولار شامامەن التى اپتادان كەيٸن ٷندٸستانعا ورالعان كەزدە ۇستالىپ, قاماۋعا الىندى. قازٸرگٸ ۋاقىتتا پوليتسييا ولاردىڭ قىلمىستى الدىن الا جوسپارلاعان بولۋى مٷمكٸن دەگەن نۇسقانى تەكسەرٸپ جاتىر.
تەرگەۋ جالعاسىپ جاتىر. قۇقىق قورعاۋ ورگاندارى قىلمىستىڭ ناقتى سەبەپتەرٸ مەن بارلىق مەن-جايىن انىقتاۋدا.
