فوتو: اشىق دەرەككٶز
بەلگٸلٸ بلوگەر ىرىسبالا يكرامباي ەلەۋمەتتٸك جەلٸدە مەرەكە كٷندەرٸ شاعىن كەسٸپپەن اينالىساتىن ادامداردى قولداۋ كەرەكتٸگٸن ايتىپ, ٶز پٸكٸرٸن بٸلدٸردٸ, دەپ حابارلايدى Ult.kz.
ول جەلٸ قولدانۋشىلارىن گٷل نەمەسە «كلۋبنيكا ۆ شوكولادە» سەكٸلدٸ ٶنٸمدەردٸ ساتىپ, تابىس تابۋعا تىرىساتىن جانداردى كەلەكە ەتپەۋگە شاقىردى.
«نەگە بٸز “گٷل ساتپاعاندار, كلۋبنيكا ۆ شوكولادە ساتپاعاندار قول كٶتەرسٸن” دەپ بٸرەۋدٸ مازاق قىلۋعا دايىن تۇرامىز? ادامدار ادال ەڭبەگٸمەن جۇمىس ٸستەپ جاتىر. يە, بەسەكە كٶپ بولۋى مٷمكٸن, بٸراق سونىڭ ارقاسىندا بٸز دە ٶنٸمدٸ تيٸمدٸ باعادا الىپ وتىرمىز عوي. ەركٸم ەڭبەگٸنٸڭ جەمٸسٸن كٶرسٸن. ەڭبەك ەتٸپ جٷرگەن ەر ادامعا قۇداي جار بولسىن دەپ تٸلەۋدٸڭ ٶزٸ بٸزگە قيىن بولىپ بارا جاتقانداي», – دەپ جازدى بلوگەر.
جەلٸ قولدانۋشىلارىنىڭ كٶپشٸلٸگٸ ونىڭ پٸكٸرٸن قولداپ, ادال ەڭبەكپەن تابىس تابۋعا تىرىساتىنداردى سىناۋدىڭ دۇرىس ەمەس ەكەنٸن ايتتى.
«دۇرىس ايتاسىز, قولىنان كەلسە ٸستەپ, ساتسىن», «ساتسا نەسٸ ايىپ? كٷلەتٸندەر – ٶزدەرٸ», «ٶتە دۇرىس ايتاسىڭ, ىرىسبالا», – دەپ جازدى پٸكٸر قالدىرۋشىلار.
