ارالاس جەكپە-جەك شەبەرٸ قازاقستاندىق قۋات حاميتوۆتىڭ كەلەسٸ جەكپە-جەگٸ مەسكەۋدە ٶتەتٸن بولدى, دەپ حابارلايدى قازاقپارات تٸلشٸسٸ.
بۇل تۋرالى سپورتشى ينستاگرام پاراقشاسىندا جازدى.
«70,3 كەلٸ سالماقتا FIGHT NIGHTS GLOBAL چەمپيونىنىڭ ۆاكانتتى بەلدٸگٸ ٷشٸن ايقاس ٶتەدٸ. قارسىلاسىم - ناريمان ابباسوۆ (23-3)», - دەپ جازدى سپورتشى ٶز پاراقشاسىندا.
وتانداسىمىزدىڭ ەزەربايجاندىق سپورتشىعا قارسى جەكپە-جەگٸ 26 سەۋٸردە مەسكەۋدە ٶتەدٸ.
ايتا كەتسەك, قۋات بٸر جىلدان بەرٸ ەشكٸممەن كەزدەسكەن جوق. ول سوڭعى جەكپە-جەگٸن 2017 جىلى يرلاندىق پيتەر كۋيلليمەن (10-4-1) ٶتكٸزگەن ەدٸ. ول جولى تٶرەشٸلەردٸڭ باسىم داۋسىمەن جەڭٸسكە جەتكەن بولاتىن. بٸراق كۋليلليدٸڭ كومانداسى اپەللياتسيياعا بەرٸپ, تەۋەلسٸز كوميسسييا ۇپاي سانىن قايتا ەسەپتەپ, ايقاستى تەڭ ٶتتٸ, دەپ ٶزگەرتتٸ.
