فوتو: ٷكٸمەتتٸڭ باسپاسٶز قىزمەتٸ
قر پرەمەر-مينيسترٸنٸڭ بٸرٸنشٸ ورىنباسارى رومان سكليار باستاعان ٷكٸمەت دەلەگاتسيياسى قىزىلوردا وبلىسىنا جۇمىس ساپارىمەن باردى. ساپار بارىسىندا دەلەگاتسييا ٶڭٸردەگٸ بٸرقاتار نىساندى, سونىڭ ٸشٸندە قىزىلوردا قالاسىنداعى «قورقىت اتا» حالىقارالىق ەۋەجايىنىڭ جاڭا تەرمينالى جۇمىسىمەن تانىستى, دەپ حابارلايدى ٷكٸمەتتٸڭ باسپاسٶز قىزمەتٸ.
ەرٸ قاراي رومان سكليار دەلەگاتسييا مٷشەلەرٸمەن قىزىلوردا قالاسىندا جٷزەگە اسىرىلىپ جاتقان «جولاۋشىلار ۆاگوندارىن جٶڭدەۋ, تەحنيكالىق قىزمەت كٶرسەتۋ كەشەنٸ جەنە ۆاگون قۇراستىرۋ زاۋىتى» جوباسى تانىستىرىلدى. جوباعا 15,4 ملرد تەڭگە ينۆەستيتسييا تارتىلىپ, ونى ٸسكە اسىرۋ ەكٸ كەزەڭ بويىنشا جٷزەگە اسادى.
رومان سكليار سونىمەن قاتار قىزىلورداداعى جاڭا جەو قۇرىلىسىنىڭ بارىسىمەن تانىستى. جوبانىڭ قۇنى – 215 ملرد تەڭگە, قۋاتى – 240 مۆت. بٷگٸنگٸ تاڭدا ينۆەستور – «اقسا ەنەرگي» تٷرٸك كومپانيياسى نىساننىڭ قۇرىلىسىنا 135 ملرد تەڭگەدەن استام قارجى سالدى. جاڭا جەو ٸسكە قوسىلعان كەزدە ٶڭٸردٸ ەلەكتر ەنەرگيياسىمەن تولىق قامتاماسىز ەتەدٸ.
ايتا كەتۋ كەرەك, ٶڭٸردە شاعىن ٶنەركەسٸپتٸك ايماقتاردى قۇرۋ بويىنشا دا بەلسەندٸ جۇمىستار جٷرگٸزٸلۋدە. بۇل ٶز كەزەگٸندە حالىقتى جۇمىسپەن قامتۋ, شاعىن جەنە ورتا بيزنەس سۋبەكتٸلەرٸ ٷشٸن ينفراقۇرىلىم مەسەلەلەرٸن شەشۋگە ىقپال ەتەدٸ.
قر پرەمەر-مينيسترٸنٸڭ بٸرٸنشٸ ورىنباسارى رومان سكليار وبلىستا اتقارىلعان جۇمىستاردى اتاپ ٶتٸپ, قىزىلوردا ٶڭٸرٸ رەسپۋبليكانىڭ وڭتٷستٸگٸندە ەكونوميكالىق ٶسٸمنٸڭ درايۆەرٸ بولۋعا تيٸس ەكەنٸن اتاپ ٶتتٸ.
