اتىراۋ وبلىسىندا ورنالاسقان تەڭٸز كەنٸشٸندەگٸ ينفەكتسييالىق ستاتسيوناردا كوروناۆيرۋس ينفەكتسيياسىن جۇقتىرعان 200 ناۋقاس ەمدەلٸپ جاتىر, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنەن مەلٸم ەتكەندەي, ٶتكەن تەۋلٸكتە 28 ادامنان كوروناۆيرۋس ينفەكتسيياسى انىقتالعان. ونىڭ ٸشٸندە اتىراۋ قالاسىنىڭ 8 تۇرعىنى مەن تەڭٸز كەنٸشٸندەگٸ 17 جۇمىسشى بار. سونداي-اق, قۇرمانعازى اۋدانىندا تۇراتىن 3 ادامنان دا قاۋٸپتٸ ٸندەتتٸڭ بەلگٸسٸ تابىلعان.
«اتىراۋ وبلىسىندا ٶتكەن تەۋلٸكتە كوروناۆيرۋس ينفەكتسيياسىنان 48 ناۋقاس ەمدەلٸپ شىقتى. قازٸر 136 ادام ٷي جاعدايىندا, وبلىستىق ينفەكتسييالىق ستاتسيوناردا 48 , يندەر, قىزىلقوعا, قۇرمانعازى اۋداندارىنداعى ستاتسيوناردا 8 پاتسيەنت ەمدەلۋدە. ال, تەڭٸز كەنٸشٸندەگٸ ينفەكتسييالىق ستاتسيوناردا 200 ناۋقاس ەم قابىلداپ جاتىر» - دەپ حابارلادى باسقارمانىڭ باسپاسٶز قىزمەتٸ.
