نورۆەگييادا كوروناۆيرۋس جۇقتىرۋدىڭ العاشقى جاعدايى راستالدى, دەپ حابارلايدى "ۇلت اقپارات".
ونى 26 اقپان كٷنٸ كەشكە ەلدٸڭ دەنساۋلىق ساقتاۋ مينيسترٸ بەنت حويە راستاعان بولاتىن. ۆيرۋس جۇقتىرعان پاتسيەنت - نورۆەگييانىڭ سولتٷستٸگٸندە ورنالاسقان ترومسيو قالاسىنىڭ تۇرعىنى. كەلٸنشەك دەمالىس كٷندەرٸ قىتايدان ورالعان.
«جەكە تەكسەرۋدەن كەيٸن سىناما الىندى, ونىڭ بٸرٸنشٸسٸ تەرٸس نەتيجە كٶرسەتتٸ, بٸراق سوڭعىسى از مٶلشەردە وڭ نەتيجە كٶرسەتتٸ», - دەدٸ نورۆەگييانىڭ قوعامدىق دەنساۋلىق ساقتاۋ (FHI) دەپارتامەنتٸنٸڭ ٶكٸلٸ لاين ۆولد وسلودا ٶتكەن شۇعىل باسپاسٶز كونفەرەنتسيياسىندا.
ونىڭ ايتۋىنشا, قازٸرگٸ ۋاقىتتا كوروناۆيرۋس جۇقتىرعان ەيەل ٷي جاعدايىنداعى كارانتينگە جٸبەرٸلگەن, ونىڭ جاعدايى جەڭٸل اۋرۋ رەتٸندە باعالاندى.
دەپارتامەنت ٶكٸلدەرٸ ونىڭ باسقا ادامدارعا جۇقتىرۋ ىقتيمالدىعى تٶمەن ەكەنٸن اتاپ ٶتە وتىرىپ, كەلٸنشەكتٸڭ نورۆەگيياعا كەلگەننەن كەيٸن بايلانىستا بولعان ادامدارىن انىقتاۋدا.
سونداي-اق ل.ۆولد ينفەكتسييا جۇقتىرۋدىڭ جاڭا جاعدايلارى بولسا, ولار دا شۇعىل كارانتينگە جٸبەرٸلەتٸنٸن ايتتى.
