كٷرەس تٷرلەرٸنەن ازييا ايماقتىق وليمپياداعا ٸرٸكتەۋ تۋرنيرٸ قىتايدان قىرعىزستانعا اۋىستىرىلدى, دەپ حابارلايدى "ۇلت اقپارات".
بۇل تۋرالى قر ۇلتتىق وليمپيادالىق كوميتەتٸ بٸرٸككەن كٷرەس ەلەمٸنٸڭ (UWW) رەسمي مەلٸمدەمەسٸنە سٷيەنە وتىرىپ حابارلادى.
نەگٸزگٸ جوسپار بويىنشا توكيو وليمپياداسى قارساڭىنداعى ايماقتىق ليتسەنزييالىق تۋرنير قىتايدىڭ سييان قالاسىندا ٶتۋٸ تيٸس بولاتىن.
الايدا, قىتايداعى كوروناۆيرۋستىڭ ٶرشۋٸنە بايلانىستى بۇل بەسەكە قىرعىزستاننىڭ بٸشكەك قالاسىنا اۋىستىرىلدى.
ەندٸ, كٷرەس تٷرلەرٸنەن ازييا ايماقتىق ليتسەنزييالىق تۋرنيرٸ 2020 جىلدىڭ 27-29 ناۋرىزى ارالىعىندا بٸشكەكتە ٶتەتٸن بولدى.
ەستەرٸڭٸزگە سالا كەتەيٸك, وسىعان دەيٸن حالىقارالىق وليمپيادا كوميتەتٸنٸڭ جۇمىس توبى بوكستان 2020 جىلعى توكيو وليمپياداسىنا ازييا/وكەانييا ايماقتىق ٸرٸكتەۋ تۋرنيرٸ مەن تاەكۆوندودان 10-12 سەۋٸر كٷندەرٸ ۋسي قالاسىندا بولاتىن تاعى بٸر ليتسەنزييالىق جارىستىڭ ٶزگە ەلدە ٶتەتٸنٸ تۋرالى جازعان بولاتىنبىز .
