پاۆلودار وبلىسىنىڭ جەلتاۋ اۋىلىندا بولعان ٸرٸ ٶرتتٸ سٶندٸرۋ ٷشٸن تٶتەنشە جاعدايلار مينيسترلٸگٸ بٶلٸمشەلەرٸنە ەۋە قورعانىسى كٷشتەرٸنٸڭ ەسكەري ۇشقىشتارى كٶمەككە كەلدٸ, دەپ حابارلايدى Ult.kz.
"اسپالى سۋ تٶگەتٸن تسيستەرنالاردى پايدالانا وتىرىپ, مي-17 بورتىنىڭ ەكيپاجى تەۋلٸك ٸشٸندە شامامەن 36 توننا سۋ تاستادى. بۇل شارالار جەتۋٸ قيىن ايماقتاردا ٶرتتٸڭ تارالۋىن ايتارلىقتاي ازايتۋعا مٷمكٸندٸك بەردٸ", - دەلٸنگەن حاباردا.
سونداي-اق ۆەدومستۆو ٶكٸلدەرٸ تٸكۇشاقتان تٷسٸرٸلگەن ۆيدەونى جارييالادى.
بۇعان دەيٸن قاراعاندى وبلىسىنىڭ قارقارالى اۋدانىندا مال قىرىلىپ جاتقانىن حابارلاعان ەدٸك.
ايتا كەتەيٸك, ەكٸ كٷننەن بەرٸ سٶنبەي جاتقان دالا ٶرتٸ ەكٸ وبلىستىڭ 45 مىڭ گەكتار جەرٸن شارپىعان. تجم كٷشتەرٸ قولدان كەلگەنٸن جاساپ جاتىر. پاۆلودار وبلىسىنداعى 10 مىڭ گەكتار جەردەگٸ ٶرت وقشاۋلانعان. ال قاراعاندى وبلىسىندا جاعداي قيىن.
