جىل باسىنان بەرٸ كٶپبالالى انالار 171,2 ملرد تەڭگە كٶلەمٸندە جەردەماقى الدى, دەپ حابارلايدى "ۇلت اقپارات" ەڭبەك مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ حابارلاۋىنشا, بيىلعى جىلدىڭ قاڭتار-قىركٷيەك ارالىعىندا جالپى سوماسى 171,2 ملرد تەڭگەگە 386,6 مىڭ وتباسى كٶپبالالى وتباسىلارعا ارنالعان مەملەكەتتٸك جەردەماقىمەن قامتىلدى. قىركٷيەك ايىندا وسى جەردەماقى تٷرٸن جالپى سوماسى 17,9 ملرد تەڭگەگە 359,6 مىڭ وتباسى الدى.
اتالعان مەملەكەتتٸك جەردەماقىعا 4 جەنە ودان كٶپ بٸرگە تۇراتىن كەمەلەتكە تولماعان نەمەسە كٷندٸزگٸ بٶلٸمدە وقيتىن 23 جاسقا دەيٸنگٸ ستۋدەنت بالالارى بار وتباسىلار تابىسىنا قاراماستان ٷمٸتكەر بولا الادى. تٶلەم مٶلشەرٸ بالالاردىڭ سانىنا بايلانىستى 44 532 تەڭگەدەن (4 بالا) 77 951 تەڭگەگە (7 بالا) دەيٸن, 8 جەنە ودان كەيٸنگٸ ەر بالاعا 4 اەك-تەن سارالانعان.
وسىلايشا, وسى جەردەماقىنىڭ ۇلعايۋى 8 جەنە ودان دا كٶپ بالاسى بار وتباسىلار ٷشٸن جەكە مٶلشەردٸ بەلگٸلەۋ ارقىلى قامتاماسىز ەتٸلدٸ. تيٸستٸ زاڭعا مەملەكەت باسشىسى اعىمداعى جىلعى 13 مامىردا قول قويدى.
8 بالاسى بار وتباسى ٷشٸن جەردەماقى 88 896 تەڭگەنٸ قۇرايدى, 9 بالاعا – 100 008 تەڭگە, 10 – 111 120 تەڭگە, 11 - 122 232 تەڭگە, 12 – 133 344 تەڭگە, 13 – 144 456 تەڭگە, 14 – 155 568 تەڭگە, 15 - 166 680 تەڭگە, 16 – 177 792 تەڭگە تٶلەنەدٸ.
