پەتروپاۆل قالاسىنىڭ نامىسىن قورعايتىن "قىزىل-جار" كونفەرەنتسييا ليگاسىنىڭ ٷشٸنشٸ اينالىمىنا جولداما الدى, - دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
حورۆاتيياداعى قارىمتا ماتچتە 2:0 ەسەبٸ تٸركەلدٸ. ويىننىڭ 62 مينۋتىندا گيورگي يۆانيدزە ەسەپ اشسا, اراعا ەكٸ مينۋت سالىپ مۋسسا كونە تابلوداعى ەسەپتٸ ەسەلەدٸ.
ەسكە سالايىق, "استانا ارەناداعى" بٸرٸنشٸ كەزدەسۋدە حورۆاتييالىقتار 2:1 نەتيجەسٸمەن جەڭٸسكە جەتكەن ەدٸ. قوس ويىننىڭ قورىتىندىسى بويىنشا 3:2 ەسەبٸ تٸركەلٸپ, "قىزىل-جار" جارىستىڭ كەلەسٸ كەزەڭٸنە شىقتى.
وسىلايشا ٶز تاريحىندا تۇڭعىش رەت ەۋروكۋبوك تۋرنيرٸندە باعىن سىناپ جاتقان سولتٷستٸك قازاقستاندىقتار جەكە كٶرسەتكٸشتەرٸن جاقسارتتى.
