حوككەي: «بارىستىڭ» پلەي-وفف كەزەڭٸندەگٸ قارسىلاسى انىقتالدى

قۇرلىقتىق حوككەي ليگاسى پلەي-وفف بەسەكەسٸنٸڭ بٸرٸنشٸ كەزەڭٸندە «بارىس» «مەتاللۋرگ» (ماگنيتوگورسك) كومانداسىمەن وينايدى, دەپ حابارلايدى "ۇلت اقپارات".

«بارىس» حوككەي كلۋبى مەلٸم ەتكەنٸندەي, قحل تۇراقتى چەمپيوانتىنىڭ قورىتىندىسى بويىنشا ەلوردالىقتار شىعىس كونفەرەنتسيياسىندا التىنشى, «مەتاللۋرگ» ٷشٸنشٸ ورىنعا يە بولدى. 

وسىلايشا شىعىس كونفەرەنتسيياسىنىڭ ¼ فينالىندا «بارىس» پەن «مەتاللۋرگ» سەرييالىق كەزدەسۋلەر ٶتكٸزەدٸ.

العاشقى ەكٸ ماتچ 2 جەنە 4 ناۋرىزدا ماگنيتوگورسكٸدە ٶتەدٸ. سودان كەيٸن قارسىلاستار ەلوردادا 6 جەنە 8 ناۋرىزدا تاعى وينايدى.

قاجەت بولعان جاعدايدا 10 ناۋرىزدا «مەتاللۋرگ» - «بارىس», 12 ناۋرىزدا «بارىس» - «مەتاللۋرگ» جەنە 14-ٸندە «مەتاللۋرگ» - «بارىس» كەزدەسۋلەرٸ ٶتەدٸ. 

سەرييا تٶرت جەڭٸسكە دەيٸن سوزىلادى. ياعني تٶرت جەڭٸسكە قول جەتكٸزگەن كوماندا كەلەسٸ كەزەڭگە جولداما الادى.

ەسكە سالا كەتەيٸك, بۇدان بۇرىن «بارىستىڭ» سوڭعى تۋردا «اۆانگاردقا» ەسە جٸبەرگەنٸن جازعان بولاتىنبىز.