قۇرلىقتىق حوككەي ليگاسى اياسىندا ەلوردالىق «بارىس» بٷگٸن, 18 اقپاندا ەلوردادا «اۆتوموبيليست» (ەكاتەرينبۋرگ) كومانداسىمەن كەزدەستٸ, دەپ حابارلايدى "ۇلت اقپارات".
ەكٸ كوماندا بۇعان دەيٸن 45 مەرتە شەبەرلٸك بايقاستى. ونىڭ 28-دە «بارىس» باسىمدىق تانىتسا, قالعانىندا «اۆتوموبيليستتٸڭ» مەرەيٸ ٷستەم بولدى. ەلوردالىق كلۋب ولاردىڭ قاقپاسىنا 135 شايبا سوقسا, ٶز قاقپاسىنا 112 گول جٸبەرٸپ الدى.
تۋرنير كەستەسٸندە ەكٸ كوماندا قاتارلاس تۇر. سوندىقتان بٷگٸنگٸ كەزدەسۋدە تارتىستى ويىن بولاتىنى انىق ەدٸ.
كەزدەسۋدە «بارىس» 5-مينۋتتا ەسەپ اشتى. بۇل گولدى رومان ستارچەنكو سوقتى. ەكٸنشٸ كەزەڭدە كوماندالار بٸر-بٸرٸنٸڭ قاقپاسىنان ساڭىلاۋ تابا العان جوق.
ٷشٸنشٸ كەزەڭدە 42-مينۋتتا رەسەيلٸك حوككەيشٸ الەكساندر ششەمەروۆ تارازى باسىن تەڭەستٸردٸ. ال 45-مينۋتتا ەلوردالىق كوماندا ساپىنان داررەن ديتس مەرگەندٸگٸمەن كٶزگە تٷستٸ. كەزدەسۋدە «بارىس» 2:1 ەسەبٸمەن باسىم تٷستٸ,
«بارىس» ەندٸ 21 اقپاندا ەلوردادا رەسەيدٸڭ «سيبير» (نوۆوسٸبٸر) كومانداسىن قابىلدايدى.
