حالىققا قىزمەت كٶرسەتۋ ورتالىعىنا بارۋدىڭ جاڭا تەرتٸبٸ جارييالاندى, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسپاسٶز قىزمەتٸنە سٸلتەمە جاساپ.
قازاقستاندا رەسمي تٷردە تٶتەنشە جاعداي تەرتٸبٸ اياقتالدى. بۇعان قاراماستان, كوروناۆيرۋس ينفەكتسيياسىنىڭ تارالۋىن بولدىرماۋ ٷشٸن كٶپتەگەن ايماقتا كارانتين شارالارى جالعاسۋدا. پاندەمييا جاعدايىندا «ازاماتتارعا ارنالعان ٷكٸمەت» مەملەكەتتٸك كورپوراتسيياسى حقو عيماراتتارىندا ازاماتتاردىڭ كٶپ جينالىپ قالماۋىن جەنە ۆيرۋس جۇقتىرۋ ىقتيمالدىعىن ازايتۋعا مٷمكٸندٸك بەرەتٸن بٸرقاتار ناقتى شارا قابىلدادى.
حقو جۇمىسىنىڭ جاڭا فورماتى
ەندٸ قازاقستاندىقتار حقو-دا ەلەكتروندى فورماتتا قولجەتٸمسٸز, قاعاز نۇسقاسىندا قىزمەتتەردٸ عانا الا الادى. بۇل شامامەن 100 مەملەكەتتٸك قىزمەت, ولاردى الۋ ٷشٸن حقو-عا بارۋ قاجەت. سونداي-اق حقو-دان egov.kz پورتالى ارقىلى ونلاين تٷردە رەسٸمدەلگەن قىزمەتتەردٸڭ دايىن نەتيجەسٸن الۋعا بولادى.
حقو-عا ەندٸ الدىن الا برونداۋ ارقىلى عانا بارۋعا بولادى.
ايتا كەتۋ كەرەك, ٶزگەرٸستەر تەك نۇر-سۇلتان, الماتى جەنە شىمكەنت قالالارى مەن وبلىس ورتالىقتارىندا ورنالاسقان حقو-لاردى قامتيدى. اۋدان ورتالىقتارىندا جەنە اۋىلدى ەلدٸمەكەندەردە ورنالاسقان حقو-لار بۇرىنعىداي جۇمىس ٸستەيتٸن بولادى.
حقو-لار قايتا ٸسكە قوسىلعان ايماقتار
20 مامىرداعى جاعداي بويىنشا قازاقستاندا ايماقتىق شتابتاردىڭ رۇقساتىمەن 10 ٶڭٸردٸڭ حقو-لارى تولىعىمەن جۇمىس ٸستەي باستادى, بۇلار – نۇر-سۇلتان قالاسى مەن اقمولا, اقتٶبە, الماتى, قاراعاندى, قوستاناي, قىزىلوردا, تٷركٸستان, سولتٷستٸك قازاقستان جەنە پاۆلودار وبلىستارى.
الماتى, شىمكەنت, اتىراۋ جەنە شىعىس قازاقستان وبلىستارى ەكٸمدٸكتەرٸنٸڭ شەشٸمٸمەن اتالعان ٶڭٸرلەردە تەك بيزنەس ٶكٸلدەرٸنە قىزمەت كٶرسەتەتٸن حقو-لار اشىلدى. جامبىل وبلىسىنداعى حقو-لار ەلٸ جۇمىس ٸستەمەيدٸ.
حالىققا قىزمەت كٶرسەتۋ ورتالىعىندا كەزەككە تاپسىرىس بەرۋ
حالىققا قىزمەت كٶرسەتۋ ورتالىعىنا باراردا كەزەك ۋاقىتىنا تاپسىرىس بەرۋ ٷشٸن Egov.kz ەلەكتروندى ٷكٸمەت پورتالىن, eGovKzBot2.0 تەلەگرام-بوتىن پايدالانىپ نەمەسە 1414 نٶمٸرٸنە قوڭىراۋ شالۋعا بولادى (قوڭىراۋ شالۋ تەگٸن).
برون قىزمەت الۋشىنىڭ جسن-ىن تٸركەۋ ارقىلى جاسالادى. ەگەر ازامات حالىققا قىزمەت كٶرسەتۋ ورتالىعىنا باراتىن ۋاقىتىن الدىن الا بەلگٸلەمەسە, كەزەكتٸ سول جەردە برونداۋ ۇسىنىلادى. الايدا قابىلداۋ دەل سول ۋاقىتتا بولاتىنىنا كەپٸلدٸك بەرٸلمەيدٸ. بۇل جاعدايدا ازامات ٶزگە بوس ۋاقىتقا كەزەككە تاپسىرىس بەرۋٸ كەرەك بولادى.
ەلەكتروندى قىزمەتتەردٸ الۋداعى كٶمەك
Egov.kz پورتالىندا قولجەتٸمدٸ بارلىق مەملەكەتتٸك قىزمەتتٸڭ 80%-دان استامىن قازاقستاندىقتار ٶز ٷيٸنەن نەمەسە كەڭسەدەن الا الادى. ول ٷشٸن ەلەكتروندى تسيفرلىق قولتاڭباسى (ەتسق) بولسا بولعانى. قازٸرگٸ ۋاقىتتا ەتسق-نى دا egov.kz پورتالىندا الۋعا مٷمكٸندٸك بار.
سونداي-اق كەيبٸر قىزمەتتەر مەن سەرۆيستەردٸ ەتسق-سىز, بٸر رەتتٸك قۇپيياسٶزدٸڭ كٶمەگٸمەن الۋعا بولادى. ول ٷشٸن موبيلدٸ ازاماتتار بازاسىندا تٸركەلۋ قاجەت.
قىزمەتتەردٸ ونلاين الۋ بويىنشا سۇراق تۋىنداعان جاعدايدا قازاقستاندىقتار 1414 بٸرىڭعاي بايلانىس ورتالىعىنىڭ نەمەسە پورتالداعى ۆيرتۋالدى اسسيستەنتتٸڭ كٶمەگٸنە جٷگٸنە الادى.
ەندٸ وپەراتورلار قازاقستاندىقتارعا egov.kz پورتالىنداعى بەينە قوڭىراۋ ارقىلى تٸكەلەي كەڭەس بەرە الادى. ول ٷشٸن پاراقشانىڭ وڭ جاق تٶمەنگٸ بۇرىشىنداعى «ۆيرتۋالدى اسسيستەنت» باتىرماسىن باسۋ قاجەت. اشىلعان تەرەزەدەن بەينەكامەرانىڭ بەلگٸسٸن تاڭداڭىز. ودان ەرٸ جٷيە ۆيدەوكامەرانىڭ جەنە ميكروفوننىڭ قوسىلۋىنا رۇقسات سۇرايدى – «رۇقسات ەتۋ» قاجەت.
حقو وپەراتورى كليەنتپەن بٸرنەشە سەكۋند ٸشٸندە بايلانىسقا شىعادى. وسىدان كەيٸن «ەكراندى كٶرسەتۋ», ەرٸ قاراي «بٶلٸسۋ» باتىرمالارىن باسۋ كەرەك. وسىلايشا, حقو بەينەوپەراتورى ابونەنت مونيتورىن كٶرە الادى جەنە وعان كەز كەلگەن قىزمەتتٸ جىلدام الۋعا كٶمەكتەسەدٸ.
Egov بۇرىشتارى
سونىمەن قاتار, كومپيۋتەرٸ نەمەسە ينتەرنەتكە شىعۋ مٷمكٸندٸگٸ جوق جوق قازاقستاندىقتار ٷشٸن حقو عيماراتتارىنان بٶلەك 328 ٶزٸنە-ٶزٸ قىزمەت كٶرسەتۋ بۇرىشتارى اشىلدى. ولار اۋداندىق ەكٸمدٸكتەردٸڭ عيماراتتارىندا, وقۋ ورىندارىندا, مەديتسينا ۇيىمدارىندا, ساۋدا-ويىن-ساۋىق ورتالىقتارىندا جەنە ت. ب. نىسانداردا ورنالاسقان. الداعى ۋاقىتتا مۇنداي بۇرىشتار سانى تەك ارتاتىن بولادى.
ٷش ساناتتاعى ازاماتتار – زەينەتكەرلەر, كٶپ بالالى وتباسىلار, مٷمكٸندٸگٸ شەكتەۋلٸ ازاماتتار ەلەكتروندىق قىزمەتتەردٸ حقو-نىڭ جەڭٸلدٸك تەرەزەسٸ ارقىلى الا الادى.
