تٷركٸستان وبلىسىندا پوليتسەيلەر ٶزٸنە قول سالماق بولعان جٸگٸتتٸ قۇتقارىپ قالدى. كەلەڭسٸز جاعداي قازىعۇرت اۋدانىندا ورىن العان, دەپ حابارلايدى "ۇلت اقپارات".
وبلىستىق پد باسپاسٶز قىزمەتٸنٸڭ مەلٸمەتٸنشە, قازىعۇرت اۋداندىق پب ۋچاسكەلٸك پوليتسييا ينسپەكتورلارى ەرعالي تۇرلىبەكوۆ پەن ەرجان قۇرالوۆتار ٶزدەرٸنە بەرٸلگەن ايماقتى كٷندەلٸكتٸ قاراپ, تەكسەرٸپ جٷرگەن. كەنەت اۋىلداعى يەسٸز مال قورانىڭ بٸرٸنە كٶزدەرٸ تٷسٸپ, ٸشٸن تەكسەرۋگە كٸرەدٸ. قوراعا كٸرگەن سەتتە جٸپكە اسىلىپ تۇرعان ەر ادامدى كٶرٸپ قالعان. ولار تەز ارادا ۋاقىت ٶتكٸزبەستەن جٸگٸتتٸ جٸپتەن بوساتىپ الادى. العاشقى مەديتسينالىق كٶمەك كٶرسەتٸپ, ٶلٸم اۋزىندا جاتقان جاننىڭ بەتٸن بەرٸ قاراتادى.
نەتيجەسٸندە ٶمٸرمەن قوشتاسپاق بولعان ازامات تٸرٸ قالعان. دەرٸگەرلەر قازٸرگٸ تاڭدا جٸگٸتتٸڭ جاعدايىن جاقسى دەپ باعالاۋدا.
كەيٸننەن بەلگٸلٸ بولعانداي, ٶزٸن ٶلٸمگە قيماق بولعان جاس جٸگٸت اناسىمەن بٸرگە تۇرادى. ٷيلەنبەگەن, جوعارى بٸلٸمدٸ, جۇمىسسىز. اناسىنىڭ ايتۋىنشا, ۇلى بٸرازدان بەرٸ ٶمٸردەن ٶتكەن ەكەسٸ ٶزٸنە شاقىرعانىن ايتىپ جٷرگەن.
