2021 جىلى 20 مىڭنان استام قازاقستاندىق ەدەمٸ نٶمٸرلەرگە يە بولعان. بۇل تۋرالى قازاقپارات «ازاماتتارعا ارنالعان ٷكٸمەتكە» سٸلتەمە جاساپ حابارلايدى.
ٶتكەن جىلى قازاقستاندىقتار جالپى سوماسى 5,8 ملرد تەڭگەگە جوعارى سۇرانىسقا يە نەمەسە VIP دەپ اتالاتىن نٶمٸرلەردٸ ساتىپ العان. اۆتوكٶلٸك يەلەرٸ 2020 جىلمەن سالىستىرعاندا ەدەمٸ نٶمٸرلەردٸ كٶبٸرەك رەسٸمدەي باستاعان, ول كەزدە 3,9 ملرد تەڭگەگە 12 616 نٶمٸر الىنعان بولاتىن.
2021 جىلى VIP نٶمٸرلەرگە ەڭ كٶپ قاراجات جۇمساعان الماتىلىقتار – 2,2 ملرد تەڭگە سوماسىنا 6882 نٶمٸر. ەكٸنشٸ ورىندا شىمكەنت اۆتوكٶلٸك يەلەرٸ – 818 ملن تەڭگە سوماسىنا 3190 نٶمٸر, ال ٷشتٸكتٸڭ سوڭىندا نۇر-سۇلتان – 667 ملن تەڭگەگە 2231 نٶمٸر.
VIP نٶمٸرلەرگە سۇرانىس سولتٷستٸك قازاقستان وبلىسىندا از. ٶتكەن جىلى وندا 45 ملن تەڭگەگە بارلىعى 169 ەرەكشە نٶمٸر تٸزبەگٸ ساتىپ الىنعان.
ساندار مەن ەرٸپتەردٸڭ كومبيناتسيياسىنا بايلانىستى VIP-نٶمٸرلەردٸڭ باعاسى 174 591 تەڭگەدەن باستالادى, ەڭ قىمباتى ٷشٸن 872 955 تەڭگە سۇرالادى.
نٶمٸر يەسٸ ەرەكشە نٶمٸرلەر تٸزبەگٸن ٷشٸنشٸ تاراپقا سىيعا بەرە دە, ساتا دا المايدى. ەگەر كٶلٸك ساتىلسا, نٶمٸر يەسٸ ونى جاڭا كٶلٸك ساتىپ العانعا دەيٸن مامانداندىرىلعان حقو-دا 6 اي ساقتاي الادى.
