قازاقستان پرەزيدەنتٸ قاسىم-جومارت توقاەۆ «حالىقتىق IPO» باعدارلاماسىن جاڭعىرتۋدى تاپسىردى, دەپ حابارلايدى "ۇلت اقپارات".
«حالىقتىق IPO» باعدارلاماسىن قايتا جاڭعىرتىپ, اكتسييالاردى, ەڭ الدىمەن, جەكە تۇلعالارعا, ياعني, قازاقستان ازاماتتارىنا ساتۋ كەرەك. ەلٸمٸزدٸڭ ەربٸر ازاماتىندا ۇلتتىق بايلىقتىڭ بٸر بٶلٸگٸن يەلەنۋ مٷمكٸندٸگٸ بولۋى قاجەت», - دەپ اتاپ ٶتتٸ ق.توقاەۆ.
قر پرەزيدەنتٸ IPO قۇرالدارىن مەيٸلٸنشە كەڭ پايدالانۋدىڭ قاجەتتٸگٸن ايتا كەلٸپ, جەكەشەلەندٸرۋ مەسەلەسٸندە بۇل تەتٸككە باسىمدىق بەرۋدٸ اتاپ ٶتتٸ.
ايتا كەتسەك بٷگٸن اقوردادا مەملەكەت باسشىسى قاسىم-جومارت توقاەۆتىڭ تٶراعالىعىمەن رەفورمالار جٶنٸندەگٸ جوعارى كەڭەستٸڭ ٷشٸنشٸ وتىرىسى ٶتتٸ.ٸس-شارانىڭ كٷنتەرتٸبٸنە قازاقستان رەسپۋبليكاسىن 2025 جىلعا دەيٸن دامىتۋدىڭ ۇلتتىق جوسپارىن, مەملەكەتتٸك جوسپارلاۋدىڭ جاڭا جٷيەسٸن, 2030 جىلعا دەيٸن مەملەكەتتٸك بسقارۋدى دامىتۋ تۇجىرىمداماسىن, 2021-2025 جىلدارعا ارنالعان جەكەشەلەندٸرۋ جوسپارىن ەزٸرلەۋ, سونىمەن قاتار شۇعىل رەفورمالار توپتاماسى مەن حالىقتىڭ ۇلتتىق ساناعىن ٶتكٸزۋ مەسەلەلەرٸ كٸردٸ.
