قازاقستاندىقتار ەلەكتروندى ٷكٸمەت پورتالى ارقىلى ۆاكتسينا سالدىرۋعا ٶتٸنٸم بەرە الادى بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«8 سەۋٸردەن باستاپ دەنساۋلىق ساقتاۋ مينيسترلٸگٸ ەلەكتروندى ٷكٸمەت پورتالى ارقىلى ۆاكتسيناتسيياعا جازىلۋ قىزمەتٸن ٸسكە قوسۋدى جوسپارلاپ وتىر», - دەدٸ الەكسەي تسوي ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, ول ٷشٸن ازاماتتار ەلەكتروندى ٷكٸمەت پورتالىندا تٸركەلٸپ, ٶتٸنٸم بەرۋٸ قاجەت. سونىمەن قاتار تٸركەلگەن مەكەن جايى بويىنشا مەديتسينالىق ۇيىمدى كٶرسەتۋٸ كەرەك. وسىدان كەيٸن ٶتٸنٸم مەديتسينا ۇيىمدارىنىڭ قاراۋىنا تٷسەدٸ. ٶتٸنٸم قارالعاننان كەيٸن مەديتسينالىق ۇيىم ۆاكتسينا سالىناتىن ۋاقىتتا كٶرسەتۋ ارقىلى ونى بٶلەدٸ.
جوعارىدا اتالعان ٸس-شارالار اياقتالعان سوڭ ٶتٸنٸم بەرگەن ازامات ەلەكتروندى ٷكٸمەت پورتالىنان ۆاكتسينا سالدىرۋ ٷشٸن مەديتسينالىق ۇيىمعا قاي كٷنٸ جەنە قاي ۋاقىتتا بارۋى قاجەتتٸگٸن بٸلە الادى. مۇنداي حابارلاندىرۋ ازاماتقا SMS حابارلاما ارقىلى دا جٸبەرٸلەدٸ.
