15 تامىز كٷنٸ قازاقستان كومانداسىنىڭ اقش كومانداسىنا قارسى حالىقارالىق ونلاين-ماتچى بولىپ ٶتەدٸ, بۇل شارا «Nations League 2020» (ۇلتتار ليگاسى 2020) ونلاين-جارىسىنىڭ اياسىندا ٶتكٸزٸلەدٸ, دەپ حابارلايدى "ۇلت اقپارات" قازاقستان شاحمات فەدەراتسيياسىنىڭ رەسمي سايتىنا سٸلتەمە جاساپ.
قازاقستاننىڭ شاحمات فەدەراتسيياسى ەلدٸڭ بارلىق شاحماتشىلارىن – ەۋەسقويلار مەن كەسٸبي ويىنشىلاردى «Kazakhstan Chess» كلۋبىنىڭ قۇرامىندا ويىن ويناپ, رەسپۋبليكا نامىسىننن قورعاۋعا شاقىرادى.
اقش كومانداسىنا قارسى ماتچ 15 تامىزدا ٶتەدٸ. ويىننىڭ باستالۋى: 1) بليتس - نۇر-سۇلتان قالاسىنىڭ ۋاقىتى بويىنشا ساعات 22:00-دە. ۋاقىتتى باقىلاۋ: 3 مين + 2 سەك.
قاتىسۋعا نيەت بٸلدٸرگەندەر ونلاين ماتچ ۇيىمداستىرىلاتىن رەسۋرستا «جارىستار» باتىرماسىن باسىپ, «USA — Kazakhstan» تۋرنيرٸن ٶزدٸگٸنەن تاڭداي الادى.
2) راپيد – نۇر-سۇلتان ۋاقىتىمەن ساعات 22:42-دە. ۋاقىتتى باقىلاۋ: 15 مين. + 2 سەك.
قاتىسۋشىلار سٸلتەمە بويىنشا «USA — Kazakhstan» جارىسىن ٶزدٸگٸنەن تاڭداي الادى.
Nations League 2020 جارىسىنا قاتىسۋ ٷشٸن Chess.com پلاتفورماسىندا «Kazakhstan Chess» كلۋبىنا كٸرۋ تۋرالى ٶتٸنٸم بەرۋ كەرەك. ەربٸر ماتچقا بٶلەك قوسىلۋ قاجەت. ويىنعا قوسىلۋ ساعات بۇرىن باستالادى.
