قازاقستاندىق فۋتبولشى ايدا گايستەنوۆا رەسەيدٸڭ «زەنيت» كومانداسىنا اۋىستى, دەپ حابارلايدى "ۇلت اقپارات".
ايدا گايستەنوۆا بىلتىر سول ەلدٸڭ پەرم قالاسىنىڭ «زۆەزدا-2005» كومانداسىندا ويىن كٶرسەتكەن. بۇل كوماندادا ٶتكەن جىلدىڭ سەۋٸر ايىنان باستاپ جاسىل الاڭعا شىقتى. اتالعان ۇجىممەن بٸرگە رەسەي كۋبوگىنا قول جەتكٸزدٸ. وعان دەيٸن سول ەلدە كراسنوياسركٸنٸڭ «ەنيسەي» كلۋبىنىڭ نامىسىن قورعادى.
ال «زەنيت» ەيەلدەر فۋتبول كومانداسى 2020 جىلدىڭ 21 قاڭتارىندا «زەنيت» فۋتبول كلۋبىنىڭ قۇرىلىمى رەتٸندە ٶز جۇمىسىن باستادى.
ايدا گايستەنوۆا 1994 جىلدىڭ 21 مامىرىندا اقمولا وبلىسىندا دٷنيەگە كەلگەن. ول قازاقستاندىق «جەريم-كۋ», «كٶكشە», «وقجەتپەس», «استانا», سۆشسم-«بارىس» كوماندالارىنىڭ دا نامىسىن قورعاعان.
