قازاقستاندىق بوكسشىنىڭ "كٶز ٸلەسپەس نوكاۋتى" جۇرتتى تەنتٸ ەتتٸ

قازاقستاندىق بوكسشىنىڭ "كٶز ٸلەسپەس نوكاۋتى" جۇرتتى تەنتٸ ەتتٸ


حالىقارالىق بوكس قاۋىمداستىعى (IBA) ەلەم چەمپيونى قازاقستاندىق دينا جولاماننىڭ 2022 جىلعى ەلەم چەمپيوناتىنداعى جەكپە-جەگٸن اتاپ ٶتتٸ, - دەپ حابارلايدى Tengrinews.kz تٸلشٸسٸ.

تۋرنيردٸڭ العاشقى كەزەڭٸندە جولامان يسپانييالىق مارييا دەل كارمەن مادۋەنونى ۇپاي سانىمەن جەڭگەن ەدٸ. جەكپە-جەك كەزٸندە وپەراتورلار قازاقستاندىق بوكسشى جەندٸكتٸ "نوكاۋتقا تٷسٸرگەن" سەتٸن تٷسٸرٸپ العان.

"بوكستان ەيەلدەر اراسىنداعى ەلەم چەمپيوناتى كەزٸندە بوكسقا ەشكٸم بەيجاي قارامايدى. چەمپيوناتتى تاماشالاۋ ٷشٸن ەڭ جاقسى جەردٸ تاڭداعان مىنا كٸشكەنتاي جانكٷيەرگە قاراڭىزشى", - دەپ جازدى ۇيىمنىڭ باسپاسٶز قىزمەتٸندەگٸلەر.

جولامان 54 كەلٸگە دەيٸنگٸ سالماق دەرەجەسٸندە شيرەك فينالدا سەرب ەلەنا زەكيچتٸ جەڭٸپ, قازاقستان قورجىنىنا بەسٸنشٸ مەدالدٸ سالعان ەدٸ.

بۇعان دەيٸن الۋا بالقىبەكوۆا (48), جاينا شەكەربەكوۆا (52), كارينا يبراگيموۆا (57) مەن ۆالەنتينا حالزوۆا (70) جارتىلاي فينالعا شىققان بولاتىن.

ودان بٶلەك جەتٸ بوكسشىمىز ٷشٸن ىستامبۇلداعى ەلەمدٸك دودا اياقتالدى: نازىم قىزايباي (50), ريمما ۆولوسەنكو (60), ايدا ەبٸكەەۆا (63), داريعا شەكٸموۆا (66), نادەجدا ريابەتس (75), گٷلسايا ەرجان (81) مەن لەززات كٷنگەيباەۆا (+81).