ەلدە بولعان جاپپاي ەرەۋٸل كەزٸندە ەشقانداي مەشٸت زارداپ شەككەن جوق. بۇل تۋرالى ەلورداداعى «ەزٸرەت سۇلتان» مەشٸتٸنٸڭ باس يمامى ەربولات جٷسٸپوۆ مەلٸم ەتتٸ, دەپ حابارلايدى قازاقپارات.
«اللاعا شٷكٸر, مەشٸتتەرگە زارداپ كەلگەن جوق. وسى تۇستا دٸن ماماندارى بۇزاقىلىققا قارسىمىز, دٸن دە قارسى. سەبەبٸ ارانداتۋشىلىق ەش جاقسىلىققا الىپ كەلمەيدٸ. ول تۋالى جاماعاتقا ايتىپ تا جاتىرمىز. پايعامبارىمىز «ٸرٸتكٸ ول ۇيىقتاپ جاتاتىن نەرسە, ونى وياتقان ادامعا اللانىڭ قارعىسى بولسىن» دەگەن. سونداي-اق, حاديستەرگە جازىلعانداي «ٸرٸتكٸ كەزٸندە تۇرعان ادامنان, وتىرعان ادام جاقسى» دەلٸنگەن. تۇراقتىلىق, تىنىشتىق تەڭٸردٸڭ بەرگەن سىيى. ال ونى ساقتاۋ ٶز قولىمىزدا. بٸزدە مەشٸتتەر زارداپ شەكتٸ دەگەن ەشقانداي ماعلۇمات جوق», - دەدٸ ەربولات جٷسٸپوۆ.
ودان بٶلەك, يمام جاپپاي باسسىزدىق كەزٸندە دٸني سالا ماماندارىنىڭ دا زارداپ شەكپەگەنٸن جەتكٸزدٸ.
