ٶتكەن تەۋلٸكتە قازاقستاندا كوروناۆيرۋس تەستٸ وڭ شىققان تاعى 2586 ناۋقاس تٸركەلدٸ. ۇلتتىق قوعامدىق دەنساۋلىق ساقتاۋ ورتالىعىنىڭ مەلٸمەتٸنشە, ەلدە العاش رەت بٸر كٷندە وسىنشاما كٶپ ناۋقاس تٸركەلگەن.
الماتىدا بٸر كٷندە 710 ناۋقاس انىقتالعان. بۇل دا بۇرىن-سوڭدى تٸركەلمەگەن جوعارى كٶرسەتكٸش. سەرسەنبٸ كٷنٸ نۇر-سۇلتان (578) مەن الماتى وبلىسىندا دا (325) ناۋقاستار كٷرت كٶبەيگەن.
قاراعاندى وبلىسىندا – 160, اتىراۋ وبلىسىندا – 137, باتىس قازاقستان وبلىسىندا – 125, اقتٶبە وبلىسىندا – 117, اقمولا وبلىسىندا – 98, شىمكەنتتە – 81, شىعىس قازاقستان وبلىسىندا – 55, ماڭعىستاۋ وبلىسىندا – 43, جامبىل وبلىسىندا – 39, ۆ قوستاناي وبلىسىندا – 33, پاۆلودار وبلىسىندا – 28, قىزىلوردا وبلىسىندا – 22, ۆ تٷركٸستان وبلىسىندا – 19, سولتٷستٸك قازاقستان وبلىسىندا 16 ناۋقاس تٸركەلگەن.
بۇل ستاتيستيكاعا كوروناۆيرۋس پنەۆمونيياسىنا شالدىققاندار ەنگٸزٸلمەگەن.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, 6 سەۋٸردە ەلدە 100 ادامنان كوروناۆيرۋس پنەۆمونيياسى انىقتالعان, 42-ٸسٸ – الماتى وبلىسىنىڭ ٷلەسٸنە كەلەدٸ.
ۆەدومستۆو سونىمەن بٸرگە سەيسەنبٸ كٷنٸ كوروناۆيرۋسپەن بايلانىستى 20 ادام ٶلٸمٸ تٸركەلگەنٸن حابارلادى. 15-ٸنٸڭ پتر تەستٸ وڭ بولعان. 5 ادام كوۆيدتٸك پنەۆمونييادان قايتىس بولدى.
مينيسترلٸكتٸڭ مەلٸمەتٸ بويىنشا 29 655 ادام (28 794 كۆي+ ي 861 كۆي-) كوروناۆيرۋستى ينفەكتسييادان ەم قابىلداپ جاتىر, ونىڭ 10 828-ٸ - ستاتسيوناردا. 18 827 ناۋقاس ٷيدە ەمدەلۋدە.
كۆي+ جەنە كۆي- بويىنشا:
- اۋىر جاعدايدا – 522 پاتسيەنت,
- اسا اۋىر حەلدە – 151 ناۋقاس;
- 87 پاتسيەنت جاساندى تىنىس الۋ اپپاراتىنا قوسىلعان.
ٸندەت باستالعالى بەرٸ 261 503 ادامنىڭ كوروناۆيرۋس تەستٸ وڭ شىققان.
2020 جىلدىڭ 1 تامىزىنان بەرٸ شامامەن 51 055 ادام كوروناۆيرۋس پنەۆمونيياسىنا شالدىققان, 718 ادام ٶلٸمٸ تٸركەلگەن. دەنساۋلىق ساقتاۋ مينيسترلٸگٸ كوروناۆيرۋس پەن كوروناۆيرۋس پنەۆمونيياسىنا شالدىققاندار ستاتيستيكاسىن بٸرٸكتٸرمەگەن. بىلتىر ماۋسىم مەن شٸلدە ايلارىندا ەلدە ٶكپە اۋرۋىنا شالدىققاندار كٷرت كٶبەيگەن شاقتا تٸركەلگەن ناۋقاستار مينيسترلٸك ستاتيستيكاسىنا ەنبەگەن. سول كەزدە ۆەدومستۆو كوروناۆيرۋس پنەۆمونيياسىن پنەۆمونييانىڭ جالپى تٷرٸنەن اجىراتۋ قيىندىعىن العا تارتقان.
2020 جىلدىڭ ناۋرىز ايىنان بەرٸ 3 171 ادام كوروناۆيرۋستان قايتىس بولعان. بٸراق وعان كوروناۆيرۋس جۇقسا دا ارنايى كوميسسييا "باسقا اۋرۋدان قايتىس بولدى" دەپ تاپقان مىڭعا جۋىق ادامنىڭ ٶلٸمٸ ەنگٸزٸلمەگەن.
ەلدە ۆاكتسينالاۋ ناۋقانى باياۋ جٷرٸپ جاتقان شاقتا ناۋقاستار كٷرت ٶسٸپ وتىر. سوڭعى مەلٸمەت بويىنشا, حالىقتىڭ شامامەن 1 پايىزى ۆاكتسينانىڭ كەمٸندە بٸر دوزاسىن العان.
