فوتو: ۆيكيپەدييا
قر ەنەرگەتيكا مينيسترلٸگٸنٸڭ مەلٸمەتٸنشە, 2030 جىلعا دەيٸن 7,8 گۆت جاڭا جەنە جاڭارتىلعان قۋاتتاردى ٸسكە قوسۋ جوسپارلانۋدا, ونىڭ ٸشٸندە 8 جاڭا ەلەكتر ستانتسيياسىن سالۋ جەنە جۇمىس ٸستەپ تۇرعان 11 ستانتسييانى جاڭعىرتۋ كٶزدەلگەن, دەپ حابارلايدى Ult.kz.
جالپى قۋاتى 5,3 گۆت بولاتىن جاڭا قۇرىلىس باعدارلاماسى ەلٸمٸزدٸڭ ماڭىزدى توراپتارىن قامتيدى. وعان كۋرچاتوۆتاعى كوندەنساتسييالىق ەلەكتر ستانتسيياسى (700 مۆت), قۋاتتى ەكٸباستۇز گرەس-3 (2 640 مۆت), قاراعاندىداعى (350 مۆت) جەنە ەكٸباستۇزداعى (180 مۆت) جەس, سونداي-اق جەزقازعان (500 مۆت), كٶكشەتاۋ (240 مۆت), سەمەي (360 مۆت) جەنە ٶسكەمەن (360 مۆت) قالالارىنداعى جاڭا جەو قۇرىلىسى كٸرەدٸ.
جوبا تەك گەنەراتسييانى ارتتىرۋدى عانا ەمەس, سونىمەن قاتار جۇمىس ٸستەپ تۇرعان ستانتسييالاردىڭ تيٸمدٸلٸگٸن كٶتەرۋدٸ دە ماقسات ەتەدٸ. جاڭعىرتۋ نەتيجەسٸندە جابدىقتاردىڭ توزۋ دەڭگەيٸن 13%-عا تٶمەندەتۋ جوسپارلانىپ وتىر.
ۇلتتىق جوبانى ٸسكە اسىرۋ ودان ارعى ٶنەركەسٸپتٸك ٶسۋ, تسيفرلىق ەكونوميكانى دامىتۋ جەنە جاساندى ينتەللەكت تەحنولوگييالارىن ەندٸرۋ ٷشٸن سەنٸمدٸ ەنەرگەتيكالىق نەگٸز جاساۋعا مٷمكٸندٸك بەرەدٸ.
كٶمٸر گەنەراتسيياسى تەحنولوگييالىق جاڭعىرتۋ جەنە ەكولوگييالىق ستاندارتتاردى ساقتاۋ شارتىمەن ەلٸمٸزدٸڭ ەنەرگەتيكالىق قاۋٸپسٸزدٸگٸن جەنە ۇزاق مەرزٸمدٸ پەرسپەكتيۆادا ەنەرگييا جٷيەسٸنٸڭ تۇراقتىلىعىن قامتاماسىز ەتۋدە شەشۋشٸ رٶلٸن ساقتاپ قالادى.
