قازاقستاندا بەس دەرٸگە تىيىم سالىندى

فوتو: depositphotos.com

قازاقستاندا بەس دەرٸگە تىيىم سالىندى. ٷكٸمەت قاۋلىسى بويىنشا, باقىلاۋعا جاتاتىن ەسٸرتكٸ, پسيحوتروپتىق زاتتار مەن پرەكۋرسورلار تٸزبەسٸنە ٶزگەرٸستەر ەنگٸزٸلدٸ, - دەپ حابارلايدى Tengrinews.kz سايتى.

قۇجاتقا سەيكەس, مەديتسينالىق ماقساتتا قولدانۋعا تىيىم سالىنعان ەسٸرتكٸ زاتتارى بٶلٸمٸنە پارا-فلۋوروفەنتانيل (پارا-فتورفەنتانيل), بروفين جەنە مەتونيتازين قوسىلدى.

فەنتانيل - سينتەتيكالىق كٷشتٸ انالگەتيك. كٶبٸنەسە ول انەستەزيولوگييادا, فەلدشەرلٸك مەديتسينادا جەنە اپاتتار مەديتسيناسىندا قولدانىلادى. پرەپارات تەۋەلدٸلٸكتٸ جەنە تٸپتٸ فيزيكالىق تەۋەلدٸلٸكتٸ تۋدىرادى.

برورفين حالىق اراسىندا "كٷلگٸن گەروين" دەپ اتالادى. بۇل پيپەريدين نەگٸزٸندەگٸ وپيويدتى انالگەتيك. ەگەر جيٸ پايدالانىلسا, ول دا تەۋەلدٸلٸكتٸ تۋدىرادى.

مەتونيتازەن كٷشتٸ سينتەتيكالىق وپيويدتارعا جاتادى جەنە گەروين مەن فەنتانيلگە ۇقساس ەسەر ەتەدٸ.

سونداي-اق, بٸرنەشە پسيحوتروپتىق زاتتارعا تىيىم سالىندى: 3-مەتوكسيفەنتسيكليدين جەنە ەۋتيلون.

فەنتسيكليدين - كٶكتامىرعا سالىناتىن انەستەزيياعا ارنالعان سينتەتيكالىق فارماكولوگييالىق پرەپارات. ول 1950 جىلدان باستاپ مەديتسينالىق ماقساتتا قولدانىلعان, بٸراق كٶپ ۇزاماي شامادان تىس ۋىتتىلىققا بايلانىستى ونى كلينيكالىق تەجٸريبەدە قولدانۋدان باس تارتىلدى. كٶپتەگەن ەلدە ەسٸرتكٸ رەتٸندە تانىلعان-سينتەتيكالىق گالليۋتسينوگەن.

ەۋتيلون - سينتەتيكالىق پسيحوستيمۋلياتورلىق زات. بيىل قىركٷيەكتە ەۋرازييالىق ەكونوميكالىق كوميسسييا (ەەك) ونى ەاەو ەلدەرٸندە ەكەلۋ جەنە قولدانۋ ٷشٸن باقىلاناتىن تٸزٸمگە ەنگٸزدٸ.

مەديتسينالىق ماقساتتا قولدانىلاتىن جەنە باقىلاۋداعى پسيحوتروپتىق زاتتار تٸزٸمٸنە كلونازولام, ديكلازەپام, فلۋبرومازولام قوسىلدى. سونداي-اق, باقىلاۋداعى پرەكۋرسورلاردىڭ (ەسٸرتكٸ مەن پسيحوتروپتىق زاتتاردى زاڭسىز ٶندٸرۋدە جيٸ قولدانىلاتىن حيمييالىق جەنە ٶسٸمدٸك زاتتارىنىڭ) تٸزٸمٸنە 4-مەتيلپروپيوفەنون كٸرەدٸ.

قاۋلى 2024 جىلعى 6 اقپاندا كٷشٸنە ەنەدٸ.