ارحەولوگتار قاراعاندى ماڭىنان تابىلعان ەجەلگٸ "سارىارقا پيراميداسىن" قالپىنا كەلتٸرۋ جۇمىستارىن اياقتادى. بۇل تۋرالى قاراعاندىلىق عالىم ۆيكتور نوۆوجەنوۆ Facebook جەلٸسٸندەگٸ پاراقشاسىندا جازدى.
"جاز بويى ي.ا.كۋكۋشكيننىڭ جەتەكٸشٸلٸگٸمەن جٷرگٸزٸلگەن ەكسپەديتسييا قالىپقا كەلتٸرۋ قاجەت نىساندى دايىنداپ, كٷزگە قاراي بٸر توپ مامان تاريح عىلىمدارىنىڭ كانديداتى, بەلگٸلٸ ارحەولوگ ا.ز.بەيسەنوۆتىڭ جەتەكٸشٸلٸگٸمەن وسى جوبانى اياقتادىق. ەندٸ ەلٸمٸزدٸڭ تۋريستٸك كارتاسىندا جاڭا ەرەكشە ەسكەرتكٸش پايدا بولادى - بەعازى-دەندٸباي ەسكەرتكٸشٸ! بۇل ەسكەرتكٸشتٸ قازۋ جۇمىستارى ەلٸ دە جالعاسادى, قاراعاندىلىق ارحەولوگتارعا جاڭا قىزىق ەسكەرتكٸشتەردٸ تابۋدى تٸلەيمٸز", - دەپ جازدى عالىم.
سونداي-اق, ۆيكتور نوۆوجەنوۆ پيراميدانىڭ قالىپقا كەلتٸرٸلگەنٸنە دەيٸنگٸ جەنە كەيٸنگٸ سۋرەتتەرٸن جارييالادى.
ايتا كەتەيٸك, "سارىارقا پيراميداسى" 2016 جىلى قاراعاندى ماڭىنان تابىلعان ەدٸ. مامانداردىڭ ايتۋىنشا, عيمارات سارىارقادا وسىدان 3000 جىل بۇرىن سالىنعان.
