فوتو: سقو پد باسپاسٶز قىزمەتٸ
ٸشكٸ ٸستەر مينيسترٸ ەرجان سەدەنوۆ مەجٸلٸس دەپۋتاتتارىنىڭ تٷرمەدە وتىرعان ەيەلدەردٸڭ بٸر بٶلٸگٸنە راقىمشىلىق شاراسىن قولدانۋ تۋرالى ساۋالىنا جاۋاپ بەردٸ, دەپ حابارلايدى Kazinform.kz.
"بٷگٸنگٸ تاڭدا 6 399 ەيەل قىلمىستىق قۇقىق بۇزۋشىلىق جاساعانى ٷشٸن جازاسىن ٶتەپ جاتىر. ونىڭ 2 692-سٸ باس بوستاندىعىنان ايىرۋ ورىندارىندا ۇستالسا, 3 707-سٸ پروباتسييالىق باقىلاۋدا. قىلمىستىق كودەكستٸڭ 78-بابىنا سەيكەس, اۋىرلىعى از جەنە ورتاشا قىلمىستارى ٷشٸن سوتتالعان 1 220 ەيەل جازاسىن ٶتەۋدەن بوساتىلۋى مٷمكٸن. سونىمەن قاتار, زورلىق-زومبىلىققا بايلانىستى ەمەس قىلمىستار جاساعانى ٷشٸن 2 002 ەيەل سوتتالدى, ولاردىڭ 1 766-سى العاش رەت, ال 150-ٸ اۋىرلىعى شاعىن جەنە ورتاشا قىلمىستار جاساعان. ٶز كەزەگٸندە اۋىر جەنە اسا اۋىر قىلمىستار جاساعان 5 055 ەيەلگە جازا مەرزٸمٸ قىسقارتىلۋى مٷمكٸن", — دەپ جازىلعان جاۋاپتا.
مينيسترلٸك جاۋابىندا راقىمشىلىقتى قاراۋ كەزٸندە جاسالعان قىلمىستىڭ اۋىرلىعىمەن قاتار, سوتتالعانداردىڭ ەلەۋمەتتٸك جاعدايىن قوسىمشا ەسكەرۋ قاجەتتٸگٸ ايتىلعان.
رەسمي دەرەك بويىنشا, سوتتالعانداردىڭ ٸشٸندە 29 ەيەلدٸڭ مٷگەدەكتٸگٸ بار (I توپ — 3, II توپ-3, III توپ — 15), 60 جاستان اسقان 243 ەيەل (تم-152, پق-91), 13 جٷكتٸ ەيەل, 58 كٸشكەنتاي بالالارى بار (3 جاسقا دەيٸن) جەنە 226 كٶپبالالى انا بار.
"باس بوستاندىعىنان ايىرۋدى جازانىڭ نەعۇرلىم جەڭٸل تٷرٸنە اۋىستىرۋ جولىمەن (3 910) ٶتەلمەگەن تالاپ-ارىزدارى بار ەيەلدەر ٷشٸن جازانى جەڭٸلدەتۋدٸ كٶزدەۋ قاجەت. الايدا, قازاقستان رەسپۋبليكاسى كونستيتۋتسيياسىنىڭ 14-بابىنىڭ تالاپتارىن ەسكەرۋ قاجەت, وعان سەيكەس زاڭ مەن سوت الدىندا بارلىعى تەڭ. ەشكٸمدٸ جىنىسىنا بايلانىستى كەمسٸتۋگە بولمايدى. ەلەۋمەتتٸك وسال ادامدار ساناتىنا جاتاتىن سوتتالعان ەرلەر سانى — 920 ادام (I جەنە II توپتاعى مٷگەدەكتٸگٸ بار ادامدار, مٷگەدەك بالالاردى تەربيەلەپ وتىرعان ۇوس قاتىسۋشىلارى, زەينەتكەرلەر, تولىق ەمەس وتباسىلار). سونىمەن قاتار, بٸرٸنشٸ رەت سوتتالعانداردى جەنە زورلىق-زومبىلىقسىز قىلمىستار جاساعانداردى بوساتۋ مەسەلەسٸ جەبٸرلەنۋشٸلەردٸڭ قۇقىقتارىن قورعاۋدى ەسكەرە وتىرىپ, ودان ەرٸ تالداۋدى قاجەت ەتەدٸ. وسىلايشا, ەكٸ مىڭنان استام سوتتالعاندى بوساتۋ بيۋدجەتتٸ كٷنٸنە 5,8 ملن تەڭگەگە دەيٸن ٷنەمدەۋگە مٷمكٸندٸك بەرۋٸ ىقتيمال (1 سوتتالعانعا جالپى شىعىندار كٷنٸنە — 2 900 تەڭگە, تيٸسٸنشە جىلىنا — 2,1 ملرد تەڭگە)", — دەلٸنگەن جاۋاپتا.
