فوتو: Kazakh Tourism
استانادا مەديتسينالىق تۋريزم, دەنساۋلىق ساقتاۋ جەنە تۇراقتى دامۋ مەسەلەلەرٸنە ارنالعان فورۋم ٶز جۇمىسىن باستادى, دەپ حابارلايدى Ult.kz.
تۋريزم جەنە سپورت مينيسترٸ ەربول مىرزابوسىنوۆ قازاقستان مەديتسينالىق جەنە ساۋىقتىرۋ تۋريزمٸنٸڭ ٶڭٸرلٸك ورتالىعىنا اينالۋعا بار جاعداي جاسالعانىن اتاپ ٶتتٸ. ول ٷشٸن شەتەلدٸك پاتسيەنتتەرگە قىزمەت كٶرسەتۋدٸڭ بٸرىڭعاي ستاندارتتارىن ەنگٸزۋ, كلينيكالار مەن تۋروپەراتورلار اراسىنداعى بايلانىستى كٷشەيتۋ جەنە ەلٸمٸزدٸ ەمدەلۋ مەن وڭالتۋداعى سەنٸمدٸ باعىت رەتٸندە تانىتۋ كەرەك.
2023 جىلى استانادا ەم العان شەتەلدٸك پاتسيەنتتەر سانى 2022 جىلمەن سالىستىرعاندا تٶرت ەسە, ال 2024 جىلى تاعى ەكٸ ەسە ارتتى. دەنساۋلىق ساقتاۋ مينيسترٸ اقمارال ەلنازاروۆا قازاقستان ەلەمدٸك كارتادا مەديتسينالىق تۋريزمنٸڭ جاڭا ورتالىعىنا اينالۋدا ەكەندٸگٸنە نازار اۋداردى.
Kazakh Tourism ساليدات قايىربەكوۆا اتىنداعى ۇلتتىق عىلىمي دەنساۋلىق ساقتاۋدى دامىتۋ ورتالىعىمەن مەديتسينالىق تۋريزمنٸڭ برەند-تۇجىرىمداماسىن ەزٸرلەۋ, مەديتسينالىق مەكەمەلەر مەن تۋروپەراتورلاردىڭ سەرٸكتەستٸگٸن دامىتۋ جەنە مەديتسينالىق كٶرمەلەرگە بٸرلەسە قاتىسۋ مەسەلەلەرٸن تالقىلاۋدى جوسپارلاپ وتىر.
«كەشەندٸ جوبالاردى تيٸمدٸ جٷزەگە اسىرۋ ٷشٸن جٷيەلٸ جۇمىس جٷرگٸزۋ قاجەت. سوندىقتان بٸز جۇمىس توبىن قۇرىپ, بٸرلەسكەن جول كارتاسى اياسىندا جۇمىس ٸستەيتٸن بولامىز», – دەدٸ «Kazakh Tourism» ۇك» اق باسقارما تٶراعاسىنىڭ م.ا. دانيەل سەرجانۇلى.
مەديتسينالىق تۋريزمدٸ دامىتۋ ماقساتىندا قوس ۆەدومستۆو اراسىندا مەموراندۋمعا قول قويىلدى.
