شىمكەنت قالاسىندا بوكستان ەرلەر اراسىندا قازاقستان چەمپيوناتىنىڭ فينالدىق بەسەكەسٸ ٶتۋدە, دەپ حابارلايدى "ۇلت اقپارات".
اسا جەڭٸل, 49 كگ سالماقتا اقمولالىق تەمٸرتاس جٷسٸپوۆ پەن باتىسقازاقستاندىق دانييال سەبيت شارشى الاڭعا شىقتى.
ازييا چەمپيونى, باسقا دا اتاقتارى جەتەرلٸك ت.جٷسٸپوۆ 32-دە بولسا, 18 جاستاعى د.سەبيت فينالعا شىققان سپورتشىلاردىڭ ەڭ جاسى ەدٸ.
بۇل بەسەكەدە تٶرەشٸلەردٸڭ بٸراۋىزدان شەشٸمٸمەن جەڭٸسكە جەتكەن دانييال سەبيت قازاقستان چەمپيونى اتاندى.
تاعى بٸر جاس بوكسشى, شىمكەنتتٸك ماحمۇد سابىرحان 52 كگ سالماقتا وليمپيادا جولداماسىنىڭ يەگەرٸ, تٷركٸستاندىق سەكەن بيبوسىنوۆتى ۇتىپ كەتتٸ.
ەرلەر اراسىندا فينالدىق جەكپە-جەكتەر ودان ەرٸ جالعاسۋدا.
