"قازاق تيتانى" لاقاپ اتىمەن تانىلعان قازاقستاندىق الىپ المات جۇمانوۆ دۋبايدا (باە) Dubai P7 Arena شارشى الاڭىندا ٶتكەن Wicked N' Bad پروموۋتەرلٸك تۋرنيرٸندە ٶنەر كٶرسەتتٸ, - دەپ حابارلايدى "ۇلت اقپارات" مassaget.kz پورتالىنا سٸلتەمە جاساپ.
جۇمانوۆ ٶزٸن "يراندىق حالك" دەپ اتايتىن سادجاد گاريبيمەن جەكپە-جەك ٶتكٸزدٸ. ولار بوكس ەرەجەسٸ بويىنشا ەرقايسىسى ەكٸ مينۋتتان تٶرت راۋندتىق فورماتتا جۇدىرىقتاستى. بۇل جەكپە-جەكتە جەڭٸستٸ "قازاق تيتانى" يەلەندٸ. ول بٸرٸنشٸ راۋندتا-اق تەحنيكالىق نوكاۋتپەن جەڭدٸ.
ەسكە سالايىق, جەكپە-جەك الدىندا جۇمانوۆ گاريبيگە: "سادجاد, سەن مەنٸ جەكپە-جەككە شاقىردىڭ, مەن كەلدٸم. بۇل سەنٸڭ ٶمٸرٸڭدەگٸ ەڭ ٷلكەن قاتەلٸك. جەكپە-جەك سەن ٷشٸن ٶتە قيىن بولادى", - دەپ ايتقان بولاتىن.
