باس پروكۋراتۋرانىڭ اكتيۆتەردٸ قايتارۋ جٶنٸندەگٸ كوميتەتٸ ق.ساتىبالدىۇلىنىڭ كٸنەسٸن مويىنداۋ جەنە زاڭسىز يەمدەنگەن اكتيۆتەرٸن قايتارۋ تۋرالى پروتسەستٸك كەلٸسٸمٸنٸڭ شارتتارىن ورىنداۋ جۇمىستارىن جٷرگٸزۋدە.
بۇل اكتيۆتەردٸڭ جالپى سوماسى باعالاۋدى ەسكەرگەندە, 50 ملرد تەڭگەدەن اسادى. قازٸرگٸ تاڭدا 18 ملرد تەڭگەنٸڭ اكتيۆتەرٸ قايتارىلدى.
«ولاردىڭ قاتارىندا الماتىداعى 2 ٸرٸ بيزنەس ورتالىعى, كوممەرتسييالىق جىلجىمايتىن مٷلٸك جەنە استانانىڭ بەدەلدٸ اۋدانىنداعى ەليتالىق ٷي بار.
ساتىبالدىۇلىنان تٸنتۋ بارىسىندا الىنعان 95 مىڭ اقش دوللارى ارنايى مەملەكەتتٸك قورعا اۋدارىلدى.
سونىمەن قاتار جٷزدەگەن ميلليون تەڭگەگە ەكسكليۋزيۆتٸ زەرگەرلٸك بۇيىمدار, برەندتٸك ساعاتتار, كوللەكتسييالىق مونەتالار جەنە باسقا دا سەندٸ بۇيىمدار (كٶلەمٸ 174 اتاۋ بار) مەملەكەتكە قايتارىلدى», — دەپ جازدى باقىلاۋشى ورگاننان.
بٸرٸككەن اراب ەمٸرلٸكتەرٸنەن جالپى قۇنى 192 ملن تەڭگەنٸ قۇرايتىن Rolls-Royce Cullinan جەنە Aston Martin ماركالى كٶلٸكتەر تٷرٸندەگٸ اكتيۆتەر قايتارىلدى.
جالپى سوماسى 33 ملرد تەڭگەنٸ قۇرايتىن ق.ساتىبالدىۇلى مەن ونىڭ جاقىندارىنا تيەسٸلٸ شەتەلدٸك مٷلٸكتٸڭ تاپسىرىلۋى اياقتالۋ ساتىسىندا.
«ونىڭ قاتارىندا دۋباي قالاسىنداعى قۇنى 20 ملرد تەڭگە تۇراتىن ەكٸ باعالى ۆيللا; فرانتسييانىڭ كٶكشٸل جاعالاۋىنداعى قۇنى 4 ملرد تەڭگە تۇراتىن تٶرت ەليتالىق پەتەر; قۇنى 5 ملرد تەڭگە تۇراتىن رەسەيدٸڭ مەسكەۋ قالاسىنداعى بەدەلدٸ تۇرعىن ٷي كەشەندەرٸندەگٸ 15 جىلجىمايتىن مٷلٸك; قۇنى 4 ملرد تەڭگەدەن استام تٷركييانىڭ بودرۋم جەنە ستامبۋل قالالارىنداعى ەكٸ ەليتالىق ۆيللا جەنە پەتەر جاتادى.
باسقا ٸستەردٸ ەسكەرە وتىرىپ, ق.ساتىبالدىۇلى 2,5 جىل ٸشٸندە مەملەكەتكە 783 ملرد تەڭگەگە اكتيۆتەردٸ قايتاردى», — دەلٸنگەن اقپاراتتا.
