مەملەكەت باسشىسى قاسىم-جومارت توقاەۆ اقوردادا ٶتكەن جيىندا سىبايلاس جەمقورلىققا قارسى الدىن الۋ جۇمىستارىن كٷشەيتۋگە شاقىردى, دەپ حابارلايدى "ۇلت اقپارات".
مەملەكەت باسشىسىنىڭ ايتۋىنشا, بىلتىر ەرتٷرلٸ دەڭگەيدەگٸ 7 ەكٸم مەن ولاردىڭ ورىنباسارلارى, سونداي-اق, 14 وبلىستىق باسقارما باسشىسى مەن ولاردىڭ ورىنباسارلارى قىلمىستىق جاۋاپكەرشٸلٸككە تارتىلعان. بۇدان بٶلەك 2020 جىلدىڭ قاڭتارىنان 2021 جىلدىڭ ناۋرىزىنا دەيٸنگٸ ارالىقتا قاراماعىنداعى قىزمەتكەرلەرٸنٸڭ جەمقورلىققا قاتىسى بولعانى ٷشٸن 20 ساياسي قىزمەتكەرگە قاتىستى شارا قولدانىلدى.
قاسىم-جومارت توقاەۆ ەكٸمدەرگە ٶز ايماقتارىنداعى سىبايلاس جەمقورلىقتى بولدىرماۋ ٷشٸن جٷيەلٸ جۇمىستار جٷرگٸزۋدٸ تاپسىردى. ال جەمقورلىققا قارسى كٷرەس قىزمەتٸ ٶزدەرٸنە جٷكتەلگەن مٸندەتكە سەرگەك قاراعانى جٶن.
«بۇعان دەيٸن ايتقانىمداي, ەگەر مەملەكەتتٸك قىزمەتشٸ بيۋدجەت قارجىسىن جىمقىرۋدى نەمەسە پارا الىپ بايۋدى كٶزدەمەي, شەشٸم قابىلداۋ كەزٸندە قاتەلٸككە جول بەرگەن بولسا, وندا ول قىلمىستىق جاۋاپكەرشٸلٸككە تارتىلماۋى كەرەك. ەيتپەسە, مەملەكەتتٸك اپپاراتتىڭ بەرەكەسٸن كەتٸرەمٸز. سىبايلاس جەمقورلىققا سانالى تٷردە بارعان شەنەۋنٸك قىلمىستىق جاۋاپكەرشٸلٸككە تارتىلۋى تيٸس», – دەدٸ پرەزيدەنت.
