مەملەكەت باسشىسى قاسىم-جومارت توقاەۆ قازاقستان رەسپۋبليكاسى ٸشكٸ ٸستەر مينيسترلٸگٸ ۇلتتىق ۇلان قۇرىلىمىنىڭ الماتى وبلىسىنداعى جاۋىنگەرلٸك جەنە ەدٸستەمەلٸك دايىندىق ورتالىعىندا ٶتكەن «قايسار-2021» جەدەل-تاكتيكالىق وقۋ-جاتتىعۋلارىنا باردى, دەپ حابارلايدى «ۇلت اقپارات» اقورداعا سٸلتەمە جاساپ.
مەملەكەت باسشىسىنا ارنايى جاساق قىزمەتكەرلەرٸنٸڭ قويان-قولتىق ۇرىسقا دايىندىعى كٶرسەتٸلدٸ. پرەزيدەنت جاتتىعۋ جٷيەلەرٸ, بيٸككە ٶرمەلەۋ قابىرعالارى جەنە وقۋ ورتالىعىنىڭ مۋلتيمەدييالىق مىلتىق اتۋ پوليگونىن ارالادى.
جوعارعى باس قولباسشى ەسكەريلەر الدىندا سٶيلەگەن سٶزٸندە قازاقستاننىڭ مىقتى مەملەكەت بولىپ قالىپتاسۋىنا قۇقىق قورعاۋ ورگاندارى ەلەۋلٸ ٷلەس قوسىپ جاتقانىن اتاپ ٶتتٸ.
– سٸزدەردٸڭ قاجىرلى ەڭبەكتەرٸڭٸزدٸڭ ارقاسىندا ەلٸمٸزدە قوعامدىق قاۋٸپسٸزدٸك بەرٸك ورنىقتى. قىلمىسپەن كٷرەسٸپ, ازاماتتاردىڭ الاڭسىز تٸرشٸلٸگٸن قامتاماسىز ەتۋ – تەۋەكەلٸ كٶپ جۇمىس. تەرتٸپ ساقشىسى كەز-كەلگەن ۋاقىتتا قاتەردٸڭ بەتٸن قايتارۋعا دايىن تۇرۋعا تيٸس. بۇل زور جاۋاپكەرشٸلٸك پەن تٶزٸمدٸلٸكتٸ تالاپ ەتەدٸ. پوليتسييا قىزمەتكەرلەرٸ قاشاندا قىراعى ەرٸ شيراق بولۋى كەرەك. سوندىقتان, وسىنداي وقۋ-جاتتىعۋلار كەسٸبي شەبەرلٸكتٸ شىڭداۋ ٷشٸن ٶتە ماڭىزدى, – دەدٸ قاسىم-جومارت توقاەۆ.
پرەزيدەنت قۇقىق قورعاۋ ورگاندارىندا قىزمەت ەتۋ فيزيكالىق جەنە پسيحولوگييالىق قىسىمعا ۇشىراتادى, تٸپتٸ, كەيدە جەكە ٶمٸرٸنە دە قاۋٸپتٸ ەكەنٸنە توقتالدى.
– تەۋەلسٸزدٸك جىلدارىندا ٸشكٸ ٸستەر ورگاندارى مەن ۇلتتىق ۇلاننىڭ ەسكەري قىزمەتشٸلەرٸ قاتارىنان, بارلىعى 802 ازامات قىزمەتتٸك مٸندەتتەرٸن ورىنداۋ بارىسىندا قازا تاپتى. ولار ٶمٸرٸنٸڭ سوڭىنا دەيٸن انتىنا ادال بولدى. ەرلەردٸڭ ەسٸمٸ مەڭگٸ ۇمىتىلمايدى. جانقييارلىعى مەن باتىرلىعى ٷشٸن 1567 قىزمەتكەر وردەندەرمەن جەنە مەدالدارمەن ماراپاتتالدى, – دەدٸ مەملەكەت باسشىسى.
جوعارعى باس قولباسشى قۇقىق قورعاۋ ورگاندارى سالاسىنداعى شتاتتىق قىزمەتكەرلەردٸڭ ەلەۋمەتتٸك جاعدايىن جاقسارتۋ مەسەلەسٸنە توقتالدى.
– الداعى ٷش جىلدا ٸشكٸ ٸستەر ورگاندارى قىزمەتكەرلەرٸنٸڭ لاۋزىمدىق ەڭبەكاقىسى ورتا ەسەپپەن 30 پايىزعا ٶسەدٸ. وسى ماقساتقا جۇمساۋعا 100 ميلليارد تەڭگەدەن استام قارجى قاراستىرىلعان. ۇلتتىق ۇلان ساربازدارىنىڭ ايلىق جالاقىسى بٸرتٸندەپ ٶسٸپ كەلەدٸ. 2021-2023 جىلدارى وفيتسەرلەردٸڭ جالاقىسى 70 پايىزعا, كەلٸسٸمشارت بويىنشا قىزمەت ەتەتٸن ەسكەريلەردٸڭ ەڭبەكاقىسى 60 پايىزعا جۋىق ارتادى. 2024 جىلدىڭ سوڭىنا دەيٸن ارنايى كٷشتەردە قىزمەت ەتەتٸندەر مەن كەلٸسٸمشارت بويىنشا قىزمەت ارتقارىپ جٷرگەندەردٸڭ بەرٸ وفيتسەر شەنٸن الادى. جىل سايىن تۇرعىن ٷيگە قوماقتى قاراجات جۇمسالىپ كەلەدٸ. قازٸرگٸ كەزدە 24 مىڭ پوليتسييا قىزمەتكەرٸ مەن 13,5 مىڭنان استام ەسكەري قىزمەتشٸگە تۇرعىن ٷي تٶلەمدەرٸ بەرٸلٸپ تۇرادى. قوعامدىق تەرتٸپ پەن قاۋٸپسٸزدٸكتٸ كٷزەتەتٸن قىزمەتكەرلەرگە جان-جاقتى ەلەۋمەتتٸك قولداۋ كٶرسەتۋ بٸزدٸڭ مەملەكەتٸمٸزدٸڭ باسىمدىقتارىنىڭ بٸرٸ بولىپ قالا بەرەدٸ, – دەدٸ قازاقستان پرەزيدەنتٸ.
قاسىم-جومارت توقاەۆ بٷگٸنگٸ جەدەل-تاكتيكالىق جاتتىعۋلارعا باعا بەرە كەلە, ٸشكٸ ٸستەر مينيسترلٸگٸ تٷرلٸ داعدارىستاردىڭ الدىن الۋعا جەنە جولىن كەسۋگە تاس تٷيٸن دايىن ەكەندەرٸن كٶرسەتتٸ دەدٸ. مەملەكەت باسشىسى وسى جەتٸستٸكتەرمەن توقتاپ قالۋعا بولمايتىنىن, حالىقارالىق وزىق تەجٸريبەنٸ مۇقييات زەردەلەپ, وتاندىق مامانداردى دايىنداۋ جٷيەسٸن دەيەكتٸ تٷردە جەتٸلدٸرۋ قاجەت ەكەنٸنە توقتالدى.
– حالىقارالىق احۋالدىڭ شيەلەنٸسۋٸ جاعدايىندا بٸزدٸڭ كٷشتٸك قۇرىلىمدار مەيٸلٸنشە ۇتقىر بولۋعا تيٸس. اۋعانستانداعى جاعدايعا بايلانىستى قوعامدا الاڭداۋشىلىق ارتىپ كەلە جاتقانىن كٶرٸپ وتىرمىز. بۇل وقيعالار قازاقستانعا تٸكەلەي قاۋٸپ تٶندٸرمەيدٸ. الايدا بەلگٸلٸ بٸر دەرەجەدە قاتەرٸ بار. سوندىقتان بٸز جاعدايدى مۇقييات باقىلاپ, كەز كەلگەن سىن-قاتەرگە لايىقتى جاۋاپ بەرۋگە دايىن بولۋىمىز كەرەك, – دەدٸ جوعارعى باس قولباسشى.
قاسىم-جومارت توقاەۆ كٷشتٸك قۇرىلىمدار قىزمەتكەرلەرٸنٸڭ الدىندا سٶيلەگەن سٶزٸندە جاس ۇرپاقتىڭ سولارعا قاراپ بوي تٷزەيتٸنٸن ەسكەرتتٸ.
– بارشاڭىز تەرتٸپ ساقشىسى دەگەن ابىرويلى اتقا لايىق بولۋلارىڭىز كەرەك. سٸزدەرگە بەرٸلەتٸن ەڭ جوعارى باعا – حالىقتىڭ سەنٸمٸ مەن العىسى. ٸشكٸ ٸستەر ورگاندارىنىڭ قىزمەتكەرلەرٸ وسى سەنٸمدٸ اقتايدى دەپ سەنەمٸن, – دەدٸ مەملەكەت باسشىسى.
جوعارعى باس قولباسشىعا ٸشكٸ ٸستەر مينيسترٸ ەرلان تۇرعىمباەۆ ۆەدومستۆو قىزمەتكەرلەرٸنٸڭ قوعامدىق قاۋٸپسٸزدٸكتٸ قامتاماسىز ەتۋ بويىنشا تاپسىرمالاردى ورىنداۋعا دايىندىعى تۋرالى بايانداپ, ارنايى, ەسكەري تەحنيكالار مەن قارۋ-جاراقتاردىڭ ٷلگٸلەرٸن كٶرسەتتٸ.
