قاراعاندى وبلىسىنىڭ مەملەكەتتٸك ارحيۆٸندە اقىن جەنە جازۋشى قاسىم امانجولوۆتىڭ جەكە مۇراعات قورى تانىستىرىلدى, دەپ حابارلايدى قازاقپارات.
وندا اقىننىڭ ٶمٸرٸ مەن شىعارماشىلىق جولىن كٶرسەتەتٸن 1911–2021 جىلدارداعى 90-عا جۋىق قۇجاتتار, سيرەك كەزدەسەتٸن فوتوسۋرەتتەر, سونداي-اق بۇرىن زەرتتەلمەگەن قولجازبالار جيناقتالعان.
ولاردىڭ بٸر بٶلٸگٸن ارحيۆ قورىنا قاسىم امانجولوۆتىڭ قىزى تاپسىردى.
«اقىن, جازۋشى, پۋبليتسيست, جۋرناليست, اۋدارماشى جەنە ۇلى وتان سوعىسىنا قاتىسۋشى قاسىم امانجولوۆتىڭ جەكە مۇراعات قورى ونىڭ تۋعانىنا 110 جىل تولۋىنا وراي تانىستىرىلدى. قۇجاتتاردى جيناۋ ٷشٸن بٸز قر ورتالىق مۇراعاتىنا بارىپ, ورال قالاسىنىڭ مۇراعاتىمەن حات جازىستىق. ونىڭ قۇجاتتارىنىڭ, جارييالانىمدارىنىڭ, ٶلەڭدەرٸنٸڭ كٶشٸرمەلەرٸ جاسالدى. مەن سونداي-اق اقىننىڭ قىزى داريعامەن كەزدەستٸم, ول بٸزگە ونىڭ قۇجاتتارى مەن فوتوسۋرەتتەرٸنٸڭ تٷپنۇسقالارىن ساقتاۋعا جەنە زەرتتەۋ ماقساتىندا تابىس ەتتٸ», - دەدٸ «قاراعاندى وبلىسىنىڭ مەملەكەتتٸك مۇراعاتى» كمم ديرەكتورى جاڭاگٷل تۇرسىنوۆا.
قۇجاتتار نەگٸزٸنەن تٷپنۇسقالاردا, قولجازبالاردا, باسپا نۇسقالارىندا, گازەت جارييالانىمدارى, سۋرەتتەر, البومدار مەن فوتوسۋرەتتەر تٷرٸندە ۇسىنىلعان.
«قاسىم امانجولوۆتىڭ جەكە مۇراعات قورىنىڭ قۇجاتتارى سۇرانىسقا يە بولادى, سەبەبٸ ول ٶمٸر سٷرگەن ۋاقىتتى, ونىڭ تاعدىرىن, دٷنيەتانىمىن, سەزٸمٸن, ەموتسيياسىن كٶرسەتەدٸ», – دەپ قوستى جاڭاگٷل تۇرسىنوۆا.
قاسىم امانجولوۆتىڭ 110 جىلدىعىنا وراي قاراعاندى وبلىسىنىڭ مەملەكەتتٸك مۇراعاتى اقىننىڭ جەكە مۇراعاتىنىڭ قۇجاتتارىنا عىلىمي-تەحنيكالىق ٶڭدەۋ جٷرگٸزٸپ, «ٶمٸرٸن ٶلەڭمەن ٶرنەكتەگەن» فوتوقۇجاتتىق كٶرمە ۇيىمداستىردى, اقىن تۋرالى بەينەروليك ەزٸرلەدٸ.
