قازاقستاننىڭ جوعارى وقۋ ورىندارىندا 2016/2017 جىلدارداعى وقۋ جىلىندا 17 مىڭ ستۋدەنت قارجىلىق قيىندىقتارعا بايلانىستى وقۋىن جالعاستىرا المادى, دەپ حابارلايدى Ranking.kz ساراپتاما پورتالى.
پورتالدىڭ مەلٸمەتٸنە سٷيەنسەك, 2006 جىلدان باستاپ قازاقستاننىڭ جوعارى وقۋ ورىندارىندا بٸلٸم الىپ جٷرگەن ستۋدەنتتەر سانى جىل سايىن ورتا ەسەپپەن 5%-عا كەمٸپ كەلە جاتقان ەدٸ. سول سەبەپتٸ شەكٸرتاقى الۋشىلاردىڭ سانى جالپى كٶلەمدە ۇلعايعان. 2011/2012 وقۋ جىلىندا ولاردىڭ ٷلەسٸ 23 %, ال 2015/2016 جىلى 31 % بولدى.
بٸراق بىلتىرعى وقۋ جىلىمەن سالىستىرعاندا جوو ستۋدەنتتەرٸنٸڭ سانى بيىل 4 %-عا كٶبەيٸپ, 477 مىڭ ادامعا جەتتٸ, ال شەكٸرتاقى الۋشى ستۋدەنتتەر سانى 3 مىڭ ادامعا قىسقاردى. نەتيجەسٸندە شەكٸرتاقى الۋشىلاردىڭ جالپى ٷلەسٸ 29,4 %-عا دەيٸن تٶمەندەدٸ.
جەكە مەنشٸك وقۋ ورىندارىنداعى شەكٸرتاقى الۋشىلاردىڭ ٷلەسٸ 17 %, ال مەملەكەتتٸك وقۋ ورىندارىندا — 44 %.
بيىل مەملەكەت ستۋدەنتتەرگە شەكٸرتاقى تٶلەۋ ٷشٸن 13 %-عا كٶپ قاراجات جۇمسايدى, ياعني 56 ميلليارد تەڭگە.
سۋرەت: Yvision.kz
