كارانتين رەجيمٸن بۇزعان 5 ادامعا 87 مىڭ تەڭگە ايىپپۇل سالىندى. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى قازاقپارات.
«ٸس جٷزٸندە بٷگٸندە سانيتارلىق تالاپتاردى ورىندامايتىندار - ەل تۇرعىندارى دەنساۋلىعىنا شىنايى قاۋٸپ تٶندٸرەتٸن توپتاعى ادامدار. وسىعان وراي دەنساۋلىق ساقتاۋ مينيسترلٸگٸ كارانتين رەجيمٸن بۇزعاندارعا ەكٸمشٸلٸك ايىپپۇل سالۋدى قاراستىراتىن قوسىمشا ەرەجە قابىلدادى», - دەدٸ ٷكٸمەت باسشىسىنىڭ ورىنباسارى ورتالىق كوممۋنيكاتسييالار قىزمەتٸندەگٸ بريفينگتە.
ونىڭ اتاپ ٶتۋٸنشە, ايىپپۇلدىڭ سوماسى 30 ايلىق ەسەپتٸك كٶرسەتكٸشتٸ, ياعني, 87 510 تەڭگەنٸ قۇرايتىندى.
«بٷگٸندە 19 ادامعا قاتىستى ەكٸمشٸلٸك ٸس قوزعالدى. ونىڭ ٸشٸندە 5 ادامعا قازٸرگٸ ۋاقىتتا ايىپپۇل سالىندى. بۇل جۇمىس جالعاساتىن بلادى. بارلىق ەرەجە بۇزۋشىلار ەكٸمشٸلٸك جاۋاپكەرشٸلٸككە تارتىلادى», - دەدٸ ەرالى توعجانوۆ.
