فوتو: Polisia.kz
قاراعاندى وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسى پروكۋراتۋرانىڭ ٷيلەستٸرۋمەن “قارمەت” كەنشٸلەرٸنەن قورقىتۋ, مورالدىق جەنە فيزيكالىق قىسىم كٶرسەتۋ ارقىلى اقشا بوپسالاۋمەن اينالىسقان قىلمىستىق توپتىڭ مٷشەلەرٸن ۇستادى, – دەپ حابارلايدى Polisia.kz.
"جەدەل-ٸزدەستٸرۋ ٸس-شارالارىن جٷرگٸزۋ بارىسىندا توپتىڭ وسىنداي 15 فاكتٸگە قاتىسى بار ەكەنٸ انىقتالدى. سونىمەن قاتار قىلمىستىق توپ قاتىسۋشىلارى قارۋ قولدانىپ, كريمينالدىق جانجالدارعا قاتىسقان جەنە اتالعان وبلىستىڭ اباي اۋدانىنا قاراستى تەمٸرجول ستانتسيياسىندا تاسىمالداناتىن جٷكتەردٸ ۇرلاعان.
كٷدٸكتٸ ادامداردى ۇستاۋ بارىسىندا 15-كە جۋىق تٸنتۋ ٸس-شارالارى جٷرگٸزٸلدٸ, سونىڭ نەتيجەسٸندە تٸركەلمەگەن اتىس جەنە سۋىق قارۋلار, سونداي-اق وق-دەرٸلەر مەن دٸني ەدەبيەتتەر تەركٸلەندٸ" - دەلٸنگەن حابارلامادا.
مەديا-پورتال مەلٸمەتٸنشە, بارلىعى 10 ادام ۇستالدى, ولاردىڭ ٸشٸندە توپتىڭ كٶشباسشىسى مەن ەڭ بەلسەندٸ تٶرت مٷشەسٸ قاماۋعا الىندى.
"قازٸرگٸ ۋاقىتتا قىلمىستىق توپ مٷشەلەرٸنٸڭ وسىنداي باسقا دا قىلمىستارعا قاتىسى بار-جوعى تەكسەرٸلٸپ جاتىر.
قىلمىستىق ٸس قاراعاندى وبلىسى پوليتسييا دەپارتامەنتٸ تەرگەۋ باسقارماسىمەن تەرگەلۋدە.
قىلمىستىق پروتسەسكە قاتىسۋشىلاردىڭ مٷددەلەرٸ ٷشٸن سوتقا دەيٸنگٸ تەرگەپ-تەكسەرۋدٸڭ باسقا مەلٸمەتتەرٸ جارييا ەتٸلمەيدٸ", – دەدٸ قر ٸٸم ۇيىمداسقان قىلمىسقا قارسى كٷرەس دەپارتامەنتٸنٸڭ ٶكٸلٸ قۋاندىق الپىس.
