قاڭتار وقيعاسىنا بايلانىستى جالعان اقپارات تاراتۋ فاكتٸسٸ بويىنشا 11 قىلمىستىق ٸس تەرگەلٸپ جاتىر. قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي دەرەك كەلتٸردٸ, دەپ حابارلايدى قازاقپارات.
«بٷگٸنگٸ كٷنٸ بارلىق قىلمىستىق ٸستەر بويىنشا 733 ادام قاماۋدا وتىر. سانيتارلىق نورما, تاماقتانۋ, دەرٸ-دەرمەكپەن قامتاماسىز ەتۋ جەنە باسقالاردى قوسا العاندا ولارعا تيٸستٸ جاعداي جاسالعان. قىلمىستىق پروتسەستە ازاماتتاردىڭ كونستيتۋتسييالىق قۇقىقتارىن ساقتاۋ – پروكۋراتۋرا ورگاندارى قىزمەتٸندەگٸ باسىم باعىتتاردىڭ بٸرٸ. كٷدٸكتٸلەرگە قانداي دا بٸر قىسىم قولدانۋ فاكتٸلەرٸنە جول بەرمەس ٷشٸن پروكۋرورلار كٷندەلٸكتٸ تەرگەۋ يزولياتورى مەن باسقا دا قىزمەتتٸك عيماراتتاردى تەكسەرٸپ جٷر», - دەگەن باس پروكۋراتۋرا ٶكٸلٸ ەلەۋمەتتٸك جەلٸدە جالعان اقپارات تاراتقانى ٷشٸن قىلمىستىق جاۋاپكەرشٸلٸك بار ەكەنٸن ەسكەرتتٸ.
«قازٸرگٸ ۋاقىتتا وسىنداي فاكتٸلەر بويىنشا 11 قىلمىستىق ٸس تەرگەلۋدە», - دەدٸ ەلدوس قيلىمجانوۆ.
