قازاقستاندىق بوكسشى مەيٸرٸم نۇرسۇلتانوۆ (12-0, 8 كو) ساۋل «كانەلو» الۆارەس — سەرگەي كوۆالەۆ ايقاسىنىڭ اندەركارتىندا جەڭٸسكە جەتتٸ, دەپ حابارلايدى Sports.kz.
نۇرسۇلتاننىڭ قارسىلاسى مەكسيكالىق كريستيان وليۆاس (16-5, 13 كو) بولدى. 10 راۋندقا ەسەپتەلگەن جەكپە-جەكتە تٶرەشٸلەردٸڭ بٸراۋىز شەشٸمٸمەن قازاقستاندىق بوكسشى جەڭٸمپاز اتاندى.
ەسكە سالا كەتسەك, مەيٸرٸم نۇرسۇلتانوۆ بۇعان دەيٸن رەسەيدٸڭ چەليابٸ قالاسىندا WBO بەلبەۋٸنە تالاسقان بوكسشىلار سەرگەي كوۆالەۆ – ەنتوني يارد ايقاسىنىڭ اندەركارتىندا ٶنەر كٶرسەتكەن بولاتىن. مەيٸرٸم نۇرسۇلتانوۆ ول كەزدە رەسەيلٸك ارتۋر وسيپوۆپەن (15-1, 10 كو) كەزدەسۋ ٶتكٸزٸپ, 10 راۋندقا شاقتالعان ورتا سالماقتاعى ايقاس مەيٸرٸمنٸڭ جەڭٸسٸمەن اياقتالدى. ەدٸلقازى بٸراۋىزدان وسىلاي دەپ شەشتٸ.
ايتا كەتەيٸك, مەيٸرٸم نۇرسۇلتانوۆ پەن سەرگەي كوۆالەۆ بٷگٸندە «Main Events» پروموۋتەرلٸك كومپانيياسىندا.
