كانادانىڭ باتىس بٶلٸگٸندە بۇرىن-سوڭدى بولماعان ىستىقتىڭ سالدارىنان جٷزدەگەن ادام كٶز جۇمدى, دەپ حابارلايدى ۆۆس اگەنتتٸگٸنە سٸلتەمە جاساپ
اۋا تەمپەراتۋراسى بريتاندىق كولۋمبييا پروۆينتسيياسىندا تٶرت كٷن بويى كٶتەرٸلٸپ, سەيسەنبٸ كٷنٸ قالالاردىڭ بٸرٸندە تسەلسيي بويىنشا 49,5 گرادۋسقا جەتكەن.
ۆانكۋۆەردٸڭ (پروۆينتسييانىڭ ٸرٸ قالاسى) ٶزٸندە جۇمادان باستاپ جىلۋ سوققىسىنىڭ سالدارىنان 130 ٶلٸم تٸركەلگەن. كٶز جۇمعانداردىڭ باسىم بٶلٸگٸ – ەگدە جاستاعى جەنە سوزىلمالى اۋرۋى بار ادامدار.
كاناداداعى بۇرىن-سوڭدى بولماعان ىستىق اۋا تەمپەراتۋراسى +46°س-تان اسىپ, 80 جىلدىق رەكورد ورناتتى.
سوڭعى رەت مۇنداي ىستىق 1937 جىلى ساسكاچەۆان پروۆينتسيياسىندا تٸركەلگەن.
بۇعان دەيٸن اقش ۇلتتىق مەتەورولوگييالىق قىزمەتٸ (NWS) ۆاشينگتون مەن ورەگون شتاتتارىنىڭ بارلىق اۋماعىندا, سونداي-اق كاليفورنييا مەن ايداحونىڭ كٶپتەگەن اۋدانىندا قاتتى ىستىق بولاتىنىن حابارلاعان بولاتىن.
ماماندار تەمپەراتۋرانىڭ كٷرت كٶتەرٸلۋٸن اقش-تىڭ سولتٷستٸك-باتىسى مەن كانادا بٶلٸگٸنٸڭ ٷستٸندە پايدا بولعان جوعارى قىسىمدى ايماقپەن تٷسٸندٸردٸ.
