بوكستان قازاقستان ۇلتتىق قۇراماسىنىڭ كاپيتانى قامشىبەك قوڭقاباەۆ كەسٸبي رينگتەگٸ ٷشٸنشٸ جەكپە-جەگٸندە دە جەڭٸسكە جەتتٸ, دەپ حابارلايدى "ۇلت اقپارات".
بٷگٸن ول الماتى قالاسىندا ٶتكەن WBO Asia Pacific بوس تيتۋلى بويىنشا رەسەيلٸك سەرۆەر ەمۋرلاەۆپەن (23-1, 9 كو) قولعاپ تٷيٸستٸردٸ. جەكپە-جەك ون راۋندقا جوسپارلانعان بولاتىن. دەگەنمەن التىنشى راۋندتان كەيٸن رەسەيلٸك بوكسشى سايىستى جالعاستىرۋدان باس تارتتى.
ايتا كەتەيٸك, بۇعان دەيٸن كەسٸپقوي بوكستا قامشىبەك قوڭقاباەۆ ەكٸ مەرتە شارشى الاڭعا شىعىپ, ەكەۋٸندە جەڭٸسكە جەتتٸ. دەگەنمەن بٷگٸن العاش رەت تيتۋلدىق جەكپە-جەك ٶتكٸزدٸ.
العاش رەسەيلٸك يسا اكبەرباەۆتان ايلاسىن اسىرسا, ودان كەيٸن ۋكراينالىق سەرگەي رادچەنكونى تٸزە بٷكتٸردٸ.
