«قالامقاس» كەن ورنىنداعى ٶرتتٸڭ وشاعى سٶندٸرٸلدٸ, دەپ حابارلايدى "ۇلت اقپارات" قر ەنەرگەتيكا مينيسترلٸگٸنٸڭ باسپاسٶز حاتشىسى نۇرلىبەك جەڭٸسبەككە سٸلتەمە جاساپ.
«28 ناۋرىزدا 01:05-تە «قالامقاس» كەن ورنىندا №8237 ۇڭعىما جانىنداعى گريفوننان شىققان ٶرت سٶندٸرٸلدٸ», - دەپ حابارلادى ول.
قازٸرگٸ تاڭدا گاز-سۋ قوسپاسى اتقىلاپ تۇرعان جوق جەنە گريفوندار جابىلدى.
ەسكە سالايىق, 13 ناۋرىزدا ماڭعىستاۋ اۋدانىنداعى «ماڭعىستاۋمۇنايگاز» اق-نىڭ «قالامقاس» مۇناي-گاز كەن ورنىندا «سي بۋ» ينجەنەرلٸك بۇرعىلاۋ كومپانيياسى» جشس №8237 ۇڭعىماسىن بۇرعىلاۋ بارىسىندا گاز-سۋ قوسپاسى اتقىلادى. ال 25 ناۋرىز كٷنٸ ساعات 07:10-دا ماڭعىستاۋ وبلىستىق تجد كەزەكشٸ-ديسپەتچەرلٸك قىزمەتٸنە «قالامقاس» كەن ورنىنداعى ۇڭعىمادان شىققان گاز جانىپ, بيٸكتٸ 10 مەترگە دەيٸن جالىن اتقىلاپ تۇرعاندىعى حابارلاندى.
