فوتو: Massaget.kz
يزرايلدەگٸ احۋالدىڭ كٷردەلەنۋٸنە بايلانىستى 124 قازاقستاندىق ارنايى رەپاترياتسييالىق رەيسپەن ەلگە جەتكٸزٸلدٸ.
قازاقستان ازاماتتارى مٸنگەن «Air Astana» ەۋە كومپانيياسىنىڭ ۇشاعى (تەل-اۆيۆ ەۋەجايىنان ۇشىپ شىققان - ەسك.) الماتىنىڭ حالىقارالىق ەۋەجايىنا قوندى.
ەۋە كەمەسٸنٸڭ بورتىندا 166 جولاۋشى بولدى. ونىڭ 124 – ٸ قر ازاماتى, قالعانى — شەتەلدٸكتەر.
فوتو: Massaget.kz
سونداي-اق, ەلگە ورالعانداردىڭ 14-ٸ – «بولاشاق» باعدارلاماسى بويىنشا تاعىلىمدامادان ٶتٸپ جاتقان ستيپەنديات. وتانداستارىمىزدى تۋعان-تۋىستارى, جاقىندارى, دوستارى جەنە باق ٶكٸلدەرٸ قارسى الدى.
ايتا كەتەيٸك, 10 قازاندا استانا ۋاقىتى بويىنشا ساعات 16:45-تە تەل-اۆيۆتەن (يزرايل) قازاقستانعا رەپاترياتسييالىق رەيس ۇشىپ شىققان ەدٸ.
ەسكە سالايىق, 7 قازاندا تاڭەرتەڭ "يزز اد-دين ال-كاسسام" بريگاداسىنىڭ حاماس ەسكەري قاناتى بۇرىن-سوڭدى بولماعان وپەراتسييا باستالعانىن حابارلادى. گازا سەكتورىنان يزرايلگە قاراي مىڭداعان زىمىران اتىلىپ, قارۋلى توپتار يزرايل ەلدٸ مەكەندەرٸنە كٸردٸ.
ٶز كەزەگٸندە يزرايل ارميياسى جاۋاپ رەتٸندە ونداعان جويعىش ۇشاقتى پايدالانىپ, گازا سەكتورىنا شابۋىلدار باستالعانىن مەلٸمدەدٸ.
فوتو: Massaget.kz
