ريو-دە-جانەيرودا ٶتٸپ جاتقان حححٸ وليمپيادا ويىندارىندا بوكستان 91 كەلٸدەن جوعارى سالماق دەرەجەسٸندە ٶنەر كٶرسەتەتٸن وتانداسىمىز يۆان دىچكو شيرەك فينالدا نيگەرييالىق ەفە ادجاگبانى جەڭدٸ, دەپ حابارلايدى "ۇلت اقپارات".
يۆان العاشقى راۋندتا سەتتٸ جۇدىرىقتاسىپ, باسىمدىلىق تانىتتى. ەكٸنشٸ كەزەڭدە دە جويقىن سوققىلارىن دەل باعىتتاپ, ۇپاي سانىن ەسەلەي تٷستٸ. شەشۋشٸ راۋندتا قوس بوكسشى دا الما كەزەك سوققىلار الماسىپ, كەلەسٸ كەزەڭ جولداماسى ٷشٸن بارىن سالا جۇدىرىقتاستى. جەكپە-جەك بارىسىندا جرلەسٸمٸزدٸڭ باسىمدىلىعى ايقىن كٶرٸنٸپ تۇردى. قورىتىندى ەسەپ - 3:0 (29-28, 29-28, 29-28).
وسىلايشا قازاقستاندىق بوكسشى جارتىلاي فينالعا جولداما الدى. يۆان لوندون وليمپياداسىندا قازاقستان قورجىنىنا قولا مەدال سالعان بولاتىن.
ۇلت پورتالى
