ٶزبەكستاننىڭ تۇڭعىش پرەزيدەنتٸ يسلام كاريموۆتە بولعان قيسۋا (قاعبانىڭ قارا تٷستٸ جٸبەك جابىندىسى) تاشكەنتتەگٸ "مينور" مەشٸتٸنە تاپسىرىلدى, - دەپ حابارلايدى ريا نوۆوستي.
تۇڭعىش پرەزيدەنتتٸڭ جەسٸرٸ تاتيانا كاريموۆا مەن قىزى لولا كاريموۆا-تيللياەۆا "مينور" مەشٸتٸندە بولىپ, قاسيەتتٸ جەدٸگەردٸ سىيعا تارتقان. قيسۋانى يسلام كەرٸموۆ 1992 جىلى مەككەگە بارعاندا ساۋد ارابيياسىنىڭ كورولٸ فاحد سىيعا تارتقان.
ٶتكەن جۇمادا تاشكەنتتە ٶزبەكستاننىڭ تۇڭعىش پرەزيدەنتٸنٸڭ قۇرمەتٸنە اتالعان "يسلوم وتا" مەشٸتٸ جٶندەۋدەن كەيٸن اشىلدى. جٶندەۋ جۇمىستارى لولا كاريموۆا مەن ونىڭ كٷيەۋٸ بيزنەسمەن تيمۋر تيللياەۆتىڭ قارجىسىمەن جٷرگٸزٸلدٸ.
ەسكە سالايىق, ٶزبەكستاننىڭ تۇڭعىش پرەزيدەنتٸ يسلام كاريموۆ 2 قىركٷيەكتە 78 جاسىندا جٷرەك تالماسىنان كٶز جۇمدى. ول ٶزٸنٸڭ تۋعان جەرٸ سامارقان قالاسىندا مۇسىلماندىق رەسٸمدەر بويىنشا جەرلەندٸ.
