"يسا اقبەرباەۆ قارسىلاسىن بٸرٸنشٸ راۋندتا نوكاۋتقا تٷسٸردٸ. بوكس كەشٸ "حابار" تەلەارناسىندا كٶرسەتٸلدٸ", - دەپ حابارلايدى ۇلت.كز تٸلشٸسٸ kaz.tengrinews.kz پورتالىنا سٸلتەمە جاساپ.
بٸرٸنشٸ ورتا سالماقتا IBO تۇجىرىمى بويىنشا ينتەركونتينەنتال چەمپيونى, Global Boxing Council تۇجىرىمى بويىنشا ەلەم چەمپيونى يسا اقبەرباەۆ (18-0, 13 كو) گەرمانييالىق مايكل كۋرتسۆەيلمەن (17-7, 17 كو) جۇدىرىقتاستى. بٸرٸنشٸ راۋندتا قازاقستاندىق نەمٸس سپورتشىسىن اپپەركوتپەن, كەيٸن دجەبپەن ۇرىپ قۇلاتتى. وسىلايشا اقبەرباەۆ 18-شٸ جەكپە-جەگٸندە 18-شٸ جەڭٸسٸنە قول جەتكٸزٸپ وتىر. ونىڭ 13-ٸن ۋاقىتىنان بۇرىن اياقتاعان.
ەسكە سالايىق, وسىعان دەيٸن ەيەلدەر اراسىندا قازاقستاندىق فيرۋزا شاريپوۆا ەكٸنشٸ جەڭٸل سالماقتا سەربييالىق قارسىلاسى ميلەنا ماتوۆيچتٸ ٷشٸنشٸ راۋندتا نوكاۋتپەن جەڭگەن بولاتىن. قازاقستاندىق بوكسشى قىز كەسٸپقوي بوكستا وسىمەن ەكٸنشٸ جەڭٸسٸن تويلاپ وتىر, سونىمەن قاتار ول بٸر رەت جەڭٸلٸس تاپقان.
