قر قورعانىس مينيسترٸ يمانعالي تاسماعامبەتوۆ ەسكەري قىزمەتشٸ, قر قورعانىس مينيسترلٸگٸ ارمييا ورتالىق سپورت كلۋبىنىڭ كاپيتانى, وليمپيادا چەمپيونى ولگا رىپاكوۆانى ريو-دە-جانەيروداعى وليمپيادادا ٷش قارعىپ سەكٸرۋ سايىسىندا جەڭٸپ العان قولا مەدالٸمەن قۇتتىقتادى, دەپ حابارلايدى "ۇلت اقپارات" قر قورعانىس مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
«قۇرمەتتٸ ولگا سەرگەەۆنا! سٸزدٸ ريو-2016 وليمپيادا ويىندارىندا جەڭٸل اتلەتيكادان جەڭٸمپاز اتانىپ, قولا مەدال الۋىڭىزبەن قۇتتىقتايمىن. بۇل لايىقتى ماراپات. سٸزدٸڭ جوعارى شەبەرلٸگٸڭٸز, ەرٸك-جٸگەرٸڭٸز بەن جەڭٸسكە دەگەن قۇلشىنىسىڭىزدىڭ ەرەكشە كٶرسەتكٸشٸ. تٶرت جىلدا بٸر رەت ٶتەتٸن بەدەلدٸ ەلەمدٸك سپورت سايىسىندا سٸز قازاقستاننىڭ قارۋلى كٷشتەرٸنٸڭ جوعارى دەڭگەيٸن كٶرسەتٸپ, ەلٸمٸزدٸڭ تۋىن كٶككە جەلبٸرەتتٸڭٸز. وسىناۋ جوعارى نەتيجە ٶسكەلەڭ ۇرپاق ٷشٸن كەسٸپقويلىقتىڭ جارقىن ٷلگٸسٸ», - دەپ اتاپ ٶتتٸ قر قورعانىس مينيسترٸ يمانعالي تاسماعامبەتوۆ ٶزٸنٸڭ قۇتتىقتاۋ جەدەلحاتىندا.
رىپاكوۆا بٸرٸنشٸ مٷمكٸندٸگٸندە 14,74 مەتر نەتيجەسٸن كٶرسەتتٸ. بۇل ونىڭ ماۋسىمداعى ٷزدٸك نەتيجەسٸ بولدى.
لوندوندا ٶتكەن وليمپيادادا ول التىن مەدال يەگەرٸ اتاندى.
ۇلت پورتالى
