قازاقستاندىق اۋىر اتلەت يليا يليننىڭ لوندون وليمپياداسىندا جەڭٸپ العان التىن مەدالٸ بەسٸنشٸ ورىن العان يراندىق ساەد موحاممادپۋرۋعا بۇيىرۋى مٷمكٸن. جاقىندا حالىقارالىق اۋىر اتلەتيكا فەدەراتسيياسى (IWF) 2012 جىلى ٶتكەن لوندون وليمپياداسىندا قولا مەدالدى يەلەنگەن مولدوۆييالىق اناتوليي كىرىكتان دوپينگ تابىلعانى ايتىلعان بولاتىن - دەپ حابارلايدى Baq.kz تٸلشٸسٸ 24.kz ارناسىنا سٸلتەمە جاساپ.
وسىعان دەيٸن لوندون وليمپياداسىنىڭ چەمپيونى يليا يلين مەن ەكٸنشٸ ورىن العان رەسەيلٸك الەكساندر يۆانوۆتان دا دوپينگ تابىلعانى مەلٸم بولدى. بارلىق اۋىر اتلەتتەر ۋاقىتشا جارىستاردان شەتتەتٸلدٸ. ولارعا قاتىستى شەشٸم ەلٸ شىققان جوق. بٸراق مەدالدارىنان ايىرۋ مٷمكٸندٸگٸ مول. باسقا اۋىر اتلەتتەرگە وسىعان دەيٸن دەل سونداي قاتاڭ جازا قولدانىلعان بولاتىن.
ەگەر بۇل شەشٸم قابىلدانسا, يليانىڭ التىن مەدالٸ بەسٸنشٸ ورىن العان يراندىق ساەد موحاممادپۋرۋعا بۇيىرادى. ال, سەگٸزٸنشٸ ورىن العان كورەيالىق كيم مين دجە كٷمٸس جٷلدەگەر اتانسا, توعىزىنشى ورىن العان پولشالىق توماش زەلينسكيي قولا جٷلدەنٸ قانجىعاعا بايلايدى.
