قر باس پروكۋراتۋراسى ارنايى پروكۋرورلار قىزمەتٸنٸڭ بۇرىنعى باسشىسى ولەسيا كەكسەلگە قاتىستى تەرگەۋ امالدارى توقتاتىلعان جوق, دەپ حابارلايدى "ۇلت اقپارات" قر ٸٸم باسپاسٶز قىزمەتٸنە سٸلتەمە جاساپ حابارلايدى.
«ٸشكٸ ٸستەر مينيسترلٸگٸ قر باس پروكۋراتۋراسى ارنايى پروكۋرورلار قىزمەتٸنٸڭ باسشىسى و.كەكسەلگە قاتىستى تەرگەۋ امالدارىنىڭ توقتاتىلعاندىعى تۋرالى اقپاراتتى راستامايدى. تەرگەۋ امالدارى ەلٸ دە جالعاسىپ جاتىر», - دەيدٸ باسپاسٶز قىزمەتٸ.
ايتا كەتەيٸك, بٷگٸن بۇرىنعى باس پروكۋرور, پارلامەنت سەناتىنىڭ دەپۋتاتى قايرات قوجامجاروۆ ارنايى پروكۋرورلار قىزمەتٸنٸڭ بۇرىنعى باسشىسى ولەسيا كەكسەلدٸڭ ٸسٸنە قاتىستى تەرگەۋگە پٸكٸر بٸلدٸرٸپ, ونىڭ توقتاتىلعانىن ايتقان ەدٸ.
ال بۇعان دەيٸن قر ٸشكٸ ٸستەر مينيسترٸ ەرلان تۇرعىمباەۆ باس پروكۋراتۋرانىڭ ارنايى پروكۋرورلار قىزمەتٸنٸڭ بۇرىنعى باسشىسى ولەسيا كەكسەلدٸڭ نە ٷشٸن تەرگەلٸپ جاتقانىن تٷسٸندٸرٸپ بەرگەن بولاتىن.
