رەسەيلٸكتەردٸڭ قازاقستانعا اعىلۋىنىڭ بٸر سەبەبٸ – قونىس اۋدارۋعا قازاقستاندىق ەۋە ايلاقتارىن پايدالانۋ مٷمكٸندٸگٸ. بۇل تۋرالى ٸشكٸ ٸستەر مينيسترلٸگٸ كٶشٸ-قون كوميتەتٸ تٶراعاسىنىڭ مٸندەتٸن اتقارۋشى, پوليتسييا پولكوۆنيگٸ اسلان اتالىقوۆ ايتتى, - دەپ حابارلايدى Tengrinews.kz تٸلشٸسٸ.
"رف ازاماتتارىنا قازاقستاننىڭ ترانزيتتٸك ەلەۋەتٸ بارىن ۇمىتۋعا بولمايدى. جاڭالىقتاردان رەسەي ەۋەجايلارىندا ٷلكەن سۇرانىسقا بايلانىستى ەۋە بيلەتتەرٸنە قاتىستى پروبلەمالار باستالعانىن كٶرۋگە بولادى. بٸزدٸڭ ەۋە ايلاعىمىزدى رەسەيلٸكتەردٸڭ رەلاكساتسيياعا پايدالانۋ مٷمكٸندٸگٸ يمميگرانتتار لەگٸ سەبەپتەرٸنٸڭ بٸرٸ سانالادى. ترانزيتكە كەلەتٸن بولساق, تەك قىركٷيەكتٸڭ كەيٸنگٸ كٷندەرٸ عانا قازاقستاننان رەسەي فەدەراتسيياسىنىڭ 40 مىڭ ازاماتى كەتتٸ", - دەدٸ اتالىقوۆ ٸٸم-دە ٶتكەن ونلاين-بريفينگ بارىسىندا.
سونىمەن قاتار, ونىڭ ايتۋىنشا, مىڭداعان رەسەيلٸك قازاقستان ارقىلى قىرعىزستان مەن ٶزبەكستانعا كەتكەن. بەس كٷن ٸشٸندە قازاقستاندىق ەۋەجايلار ارقىلى التى مىڭعا جۋىق رەسەيلٸك ۇشقان.
