امەريكانىڭ Google كورپوراتسيياسى جاڭا كوروناۆيرۋسقا قاتىستى راستالماعان اقپاراتتى تاراتىپ جٷرگەندەر سايتتاردىڭ جارناماسىن بۇعاتتايدى, - دەپ حابارلايدى Bloomberg جاڭالىقتار اگەنتتٸگٸ.
ونىڭ مەلٸمەتٸنشە, كومپانييادا ادامدار ٷشٸن قاۋٸپتٸ, جالعان مەديتسينالىق تەورييالاردى كەلتٸرەتٸن رەسۋرستار جارناماسىن بۇعاتتايتىن ارنايى ساياسات ٸسكە قوسىلعان. وسىلايشا, پاندەمييا كەزٸندە Google وسىنداي اقپارات تاراتقان 200 ملن-نان استام جارنامانى انىقتاپ, بۇعاتتادى.
الايدا Google باسشىلىعى كوروناۆيرۋس تۋرالى راستالماعان اقپاراتتى تاراتىپ جٷرگەن رەسۋرستار جارناماسىنان تٷسكەن شىعىننىڭ جىل سوڭىنا قاراي 19 ملن دوللاردى قۇراي الاتىنىن ەسەپكە الا وتىرىپ, قوسىمشا شارالار قابىلداۋدى شەشتٸ. وسىعان بايلانىستى, تامىز ايىنان باستاپ, COVID-19 ۆيرۋسىنا بايلانىستى كونسپيرولوگييالىق تەورييالارعا ارنالعان رەسۋرستارعا ەرەكشە كٶڭٸل بٶلٸنەتٸن بولادى.
ولاردىڭ قاتارىنا, مىسالى, امەريكاندىق تەحنولوگييالىق كورپوراتسيياسىنىڭ نەگٸزٸن قالاۋشى بيلل گەيتستٸڭ كوروناۆيرۋسقا قارسى ۆاكتسينا تٷرٸندە ادامدارعا ميكروچيپتەردٸ ەندٸرۋ تۋرالى اقپارات جاتقىزىلادى. جازدىڭ باسىندا ول بۇل جورامالدى «ٶتە اقىماق جەنە بٸرتٷرلٸ» دەپ اتاعان. Google-دە بۇعاتتالاتىن جارنامالىق سيپاتتاعى اقپارات اۆتوماتتىق رەجيمدە, سونداي-اق كومپانييا قىزمەتكەرلەرٸ تاراپىنان باقىلانادى.
